యువ సామ్రాట్ అక్కినేని నాగచైతన్య కథానాయకుడిగా నటిస్తున్న ప్రేమమ్ సినిమాకి మరో బలం తోడయింది. కింగ్ నాగార్జున తనయుడి చిత్రంలో ప్రత్యేక పాత్రలో కనిపించనున్నారు. చందు మొండేటి దర్శకత్వంలో సితార ఎంటర్‌టైన్‌మెంట్ పతాకంపై సూర్యదేవర నాగవంశీ నిర్మిస్తున్న ఈ మూవీలో చైతుకి అంకుల్ గా విక్టరీ వెంకటేష్ నటిస్తున్నారు. వీరిద్దరిపై సీన్లు షూటింగ్ కూడా పూర్తి అయింది. ఇప్పుడు నాగ్ చిత్ర యూనిట్ తో జాయిన్ అయ్యారు. ఇద్దరు స్టార్లు ఈ ఫిల్మ్ కి మరింత క్రేజ్ ని తీసుకొచ్చారు.
ప్రేమమ్ లో నాగ చైతన్య స్కూల్ విద్యార్థిగా, కాలేజీ కుర్రోడిగా, యువకుడిగా మూడు వేరియేషన్లో కనిపిస్తుండడం అక్కినేని అభిమానులు సంతోషించే విషయం అయితే నాగార్జున, వెంకటేష్ కూడా నటిస్తుండడం మరింత ఆనందాన్ని కలిగిస్తోంది. శృతి హాసన్, అనుపమ పరమేశ్వరన్, మడోన్నా సెబాస్టియన్ హీరోయిన్లుగా కనువిందు చేయనున్న ఈ మూవీ దసరా కానుకగా అక్టోబర్‌ 8 న విడుదల చేయడానికి సన్నాహాలు చేస్తున్నారు. దివంగత అక్కినేని నాగేశ్వరరావు జయంతి రోజైన సెప్టెంబర్ 20న ఆడియో వేడుకను నిర్వహించనున్నారు.
