రీ ఎంట్రీ కోసం చాలా వరకూ స్లిమ్ అయ్యి అభిమానులను సర్ ప్రైజ్ చేశారు మెగాస్టార్ చిరంజీవి. అయితే ఆ తరువాత కాస్త లావయ్యారు చిరు. ‘సైరా’ చిత్రం కోసం ఇలా కాస్త ఒళ్ళు చేసారని గతంలో చెప్పుకొచ్చారు. అయితే 152 వ చిత్రాన్ని కొరటాల శివ డైరెక్షన్లో చేయడానికి మెగాస్టార్ గ్రీన్ సిగ్నల్ ఇచ్చిన సంగతి తెలిసిందే. స్క్రిప్ట్ పనులు పూర్తయ్యాయి. ఆగష్టు 22 న మెగాస్టార్ పుట్టినరోజున ఈ చిత్రం ప్రారంభం కానుందని తెలుస్తుంది. మెసేజ్ తో కమర్షియల్ ఎలెమెంట్స్ కూడా ఈ చిత్రంలో పుష్కలంగా ఉంటాయట.
దీంతో ఈ చిత్రం కోసం కొరటాల.. ‘ సార్ మీరు బ‌రువు త‌గ్గాలి` అంటూ చిరుకి ప‌దే ప‌దే చెప్తున్నాడట. ‘సైరా’ షూటింగ్ పూర్తయిన వెంటనే.. చిరు బ‌రువు తగ్గే పని మొదలు పెడతారట. క‌నీసం 15 కిలోలైనా బ‌రువు త‌గ్గాల‌ని చిరు అనుకుంటున్నారట. ఇందుకోసం ప్ర‌త్యేక డైట్‌, వ్యాయామాలు మొద‌లెడుతున్నార‌ట. చిరు కోసం ప్రత్యేకంగా ఓ ట్రైన‌ర్‌ ను కూడా నియ‌మించారట. రెండు పాత్ర‌ల‌లో చిరు ఈ చిత్రంలో కనిపిస్తారట. ఓ పాత్ర కాస్త బొద్దుగా మరో పాత్ర స్లిమ్ గా కనిపిస్తారట. ఇప్పుడు ఎలాగూ చిరు కాస్త బొద్దుగా ఉన్నారు కాబట్టి ముందుగా మొదటి పాత్రకి సంబందించిన సీన్లు చిత్రీకరిస్తార‌ని సమాచారం. ఈ చిత్రానికి దేవి శ్రీ ప్రసాద్ సంగీతం అందిస్తాడట.
