టాలీవుడ్ టాప్ హీరోల్లో ఒకడు చెర్రీ. మెగా స్టార్ తనయుడిగా, మెగా ఫ్యాన్స్ అండదండలతో వరుస హిట్స్ సాధించిన చెర్రీ ఇప్పుడు ప్రస్తుతానికి ఫ్లాప్స్ లో ఉన్నాడు. అయితే అదే క్రమంలో టాలీవుడ్ లో మోస్ట్ వాంటెడ్ డైరెక్టర్స్ లో ఒకడు కొరటాల శివ. తీసినవి రెండే సినిమాలు అందులో ఒకటి మిర్చి, రెండు శ్రీమంతుడు కానీ సూపర్ డైరెక్టర్ అయిపోయాడు. ఎంతగా అంటే బడా హీరోలు ఆయనతో సినిమా చేసేందుకు వెయిట్ చేసే అంత. ఇదిలా ఉంటే తాజాగా ఒక ఇంట్రెస్టింగ్ న్యూస్ ఒకటి టాలీవుడ్ సర్కిల్స్ లో చక్కెర్లు కొడుతుంది.
విషయంలోకి వెళితే….టాలీవుడ్ మెగా పవర్ స్టార్ రామ్ చరన్ తేజ కొరటాలతో సినిమా చెయ్యాల్సి ఉంది, మిర్చి త‌ర్వాత కొరటాల, చెర్రీ సినిమా పూజా కార్య‌క్రమాల‌తో మొదలు కూడా అయ్యింది. అంతేకాదు ఆ సినిమా స్టోరీ కూడా శ్రీమంతుడు స్టోరీనే. అయితే కొరటాల క‌థ‌పై చెర్రీకి న‌మ్మ‌కం లేక.. ఈ ప్రాజెక్ట్‌ను ప‌క్క‌న పెట్టేశాడు. దీంతో.. కొరటాల అదే కధతో మహేష్ బాబుని ఆశ్రయించడంతో మహేష్ నిర్మాతగా మారి మరీ ఈ సినిమాను నిర్మించాడు. ఇక కొరటాల మ‌హేశ్‌తో శ్రీమంతుడు తీసి సూప‌ర్‌హిట్ కొట్టడంతో కొరటాల ద‌ర్శ‌క‌త్వంలో న‌టించ‌డానికి మళ్లీ ఇంట్రెస్ట్ చూపించాడు.
ఇక అదే క్రమంలో చెర్రీ, కొరటాల క‌ల‌యిలో సినిమా వుంటుంద‌ని చాలాకాంగా ప్ర‌చారం జ‌రుగుతున్నా అది ఇంకా ఫైనలైజ్ కాలేదు. అయితే ప్రస్తుతం ఎన్టీఆర్ తో జనతా గ్యారేజ్ చేస్తున్న కొరటాల ఈ సినిమా తరువాత ప్రిన్స్ తో ఒక సినిమా ఒప్పుకోవడంతో ఇప్పుడప్పుడే చెర్రీతో కొరటాల సినిమా లేదు అని తెలిపోయింది. మరి ఆ తరువాత అయినా కొరటాల మన మెగా హీరోని కరునిస్తాడేమో చూడాలి.
