అర్జున్ రెడ్డి సినిమాతో ట్రెండ్ సెట్ చేసి తనకంటూ సూపర్ ఇమేజ్ సంపాదించిన విజయ దేవరకొండ తో వరుస హిట్ సినిమాలతో టాప్ డైరెక్టర్స్ రేసులో ఉన్న కొరటాల శివ కాంబినేషన్ లో సినిమా వస్తుందంటే ప్రేక్షకుల్లో మాములు అంచనాలు ఉండవు. ఇటీవలే నోటా చిత్రం ప్రీ రిలీజ్ ఈవెంట్ లో విజయ్ దేవరకొండ తో ఒక సినిమా తీయాలని ఉందని, తప్పకుండ అయన కోసం ఒక మంచి కథని సిద్ధం చేస్తానని చెప్పిన విషయం మన అందరికి తెలిసిందే.
ఇది ఇలా ఉంటె, కొరటాల శివ గారు మెగాస్టార్ చిరంజీవి గారితో సినిమా తీయనున్నారు. ఇటు మెగాస్టార్ గారికి కథని సిద్ధం చేస్తూనే, విజయ్ దేవరకొండ కోసం ఒక డిఫెరెంట్ కథని సిద్ధం చేస్తున్నట్లు వార్తలు వినిపిస్తున్నాయి. ఏది ఏమైనా గట్టి కమర్షియల్ హిట్ కోసం చూస్తున్న విజయ్ దేవరకొండకి కొరటాల శివ గారితో సినిమా పడితే కెరియర్ పరంగా మరింత ముందుకు దూసుకెళ్లడం మాత్రం గ్యారెంటీ.
