విభిన్నమైన కథలతో సినిమాలు చేసే క్రిష్ ని ఎప్పుడూ సినీ ప్రియులు అభినందిస్తూనే ఉంటారు. అయితే ఈమారు ఆయన అందుకుంటున్న అభినందనలకు మరో కారణం వుంది. సాధారణంగా ఓ సినిమా షూటింగ్ మినిమమ్ మూడు నెలలు జరుగుతుంటుంది. అందివచ్చిన కొత్త సాంకేతికత పుణ్యమా అని చిన్న సినిమాల విషయంలో వీటికి మినహాయింపు అనుకోండి. అయితే ఓ అగ్ర హీరో సినిమా అయితే మట్టుకు అనుకున్న సమయం కంటే కాస్త ఎక్కువయ్యే అవకాశం వుంది. అలాంటిది క్రిష్ ‘శాతకర్ణి’ సినిమాని అనుకున్న సమయం కంటే ముందే పూర్తి చేసేశాడు. నందమూరి బాలకృష్ణ ప్రధాన పాత్రలో జాగర్లమూడి రాధాకృష్ణ (క్రిష్) తెరకెక్కిస్తున్న చిత్రం ‘గౌతమిపుత్ర శాతకర్ణి’. ఫస్ట్ ఫ్రేమ్ ఎంటర్టైన్మెంట్స్ బ్యానర్ లో నిర్మితమవుతోన్న ఈ సినిమా షూటింగ్ కోసం తొలుత 80 రోజులు కేటాయించాలని నిర్ణయించుకున్నారట.
అయితే దానికంటే ఒక్కరోజు ముందే షూటింగ్ ని పూర్తి చేసేశాడు ఈ ప్రతిభావంత దర్శకుడు. ఒక్కరోజే కదా ఇందులో గొప్ప..? అని తీసిపారేసేరు. ఇప్పుడు బాలయ్య కేవలం సినిమా హీరో మాత్రమే కాదు ప్రజాసేవకుడు కూడా. అటు బసవతారకం భాద్యతలు ఎటూ భుజాన ఉంన్నాయి. ఇన్నిటి మధ్య ఓ అగ్ర హీరో సినిమా చేయడం సాధారణ విషయం కాదు. మధ్యలో క్రిష్ వివాహం కూడా జరిగింది. ఆ సమయంలో క్రిష్ గ్రాఫిక్స్ పనులకు కేటాయించాడు. పైగా చారిత్రిక గాధతో రూపొందుతున్న ఈ సినిమాలో గ్రాఫిక్స్ కి ప్రాధాన్యం ఉంది. ఇన్ని విషయాలను దృష్టిలో పెట్టుకుని క్రిష్ అనుకున్న సమయానికంటే ముందే సినిమా పూర్తి చేసినందుకు అతడిని అభినందించి తీరాల్సిందే. బడ్జెట్ విషయంలో కూడా సహజమైన లొకేషన్లు ఎంపిక చేసుకుని పొదుపు సూత్రం పాటించాడు. ప్రస్తుతం నిర్మాణాంతర పనులు జరుపుకుంటున్న ఈ సినిమా పాటలు వచ్చే నెలలో విడుదల కానున్నాయి. జనవరి 12న సినిమా తెరమీదికి రానున్న సంగతి తెలిసిందే..!
Also, do SUBSCRIBE to our YouTube channel to get latest Tollywood updates.
