ప్రస్తుతం వెబ్ సిరీస్ లకు బాగా డిమాండ్ పెరిగింది. సినిమాలకంటే ఎక్కువగా వెబ్ సిరీస్ లకే యూత్ ఎక్కువ అడిక్ట్ అయ్యారు. మహేష్ బాబు వంటి స్టార్ హీరో కూడా ఇప్పుడు వెబ్ సిరీస్ ల వైపు దృష్టి పెడుతున్నారని ప్రచారం జరిగింది. ఇదిలా ఉంటే… ఇప్పుడు డైరెక్టర్ క్రిష్ కూడా వెబ్ సిరీస్ ల వైపు దృష్టి పెట్టారంట. ఈ ఏడాది ‘ఎన్టీఆర్ కథానాయకుడు’ ‘ఎన్టీఆర్ మహానాయకుడు’ చిత్రాలతో డిజాస్టర్లు అందుకున్న క్రిష్ ఇప్పటి వరకూ తన తరువాతి సినిమాని ప్రకటించలేదు. ఆయనతో సినిమా చేయడానికి ప్రస్తుతం ఏ హీరో అంత ఇంట్రెస్ట్ చూపించడం లేదని ప్రచారం జరిగింది.
ఇదిలా ఉండగా.. క్రిష్ సొంత బ్యానర్ అయిన ‘ఫస్ట్ ఫ్రేమ్స్’ లో ఓ వెబ్ సిరీస్ కు ప్లాన్ చేస్తున్నాడని తెలుస్తుంది. గతంలో ఇదే బ్యానర్ పై ‘కంచె’ ‘గౌతమీపుత్ర శాతకర్ణి’ ‘అంతరిక్షం’ వంటి చిత్రాలను తెరకెక్కించాడు క్రిష్. ఇప్పుడు ఇదే బ్యానర్లో వెబ్ సిరీస్ కు ప్లాన్ చేసాడట. ప్రస్తుతం నటీనటుల ఎంపిక జరుగుతుందట. అయితే ఈ వెబ్ సిరీస్ కు క్రిష్ డైరెక్టర్ గా వ్యవహరిస్తాడా లేక నిర్మాతగానే వ్యవహరిస్తాడా అనేది చూడాలి మరి..!
