సూపర్ స్టార్ మహేష్ బాబు హీరోగా పరశురామ్(బుజ్జి) దర్శకత్వంలో తెర‌కెక్కుతోన్న భారీ చిత్రం ‘సర్కారు వారి పాట`. ‘మైత్రీ మూవీ మేకర్స్’, ‘జి.ఎం.బి.ఎంటర్టైన్మెంట్’, ’14 రీల్స్ ప్లస్’ సంస్థలు సంయుక్తంగా ఈ ప్రెస్టీజియస్ ప్రాజెక్టుని నిర్మించబోతున్నారు. కీర్తి సురేష్ హీరోయిన్ గా నటిస్తుండగా త‌మ‌న్ ఎస్.ఎస్. సంగీత సార‌థ్యం వ‌హిస్తున్నాడు. ఈ చిత్రం షూటింగ్ ఇటీవ‌ల దుబాయ్‌లో నెల‌రోజుల పాటు జరిగింది. దాని త‌ర్వాత ఉగాది రోజున హైద‌రాబాద్‌లో సెకండ్ షెడ్యూల్ ను మొదలుపెట్టారు.
ఈ నెలాఖ‌రు వ‌ర‌కూ ఈ షెడ్యూల్ జరుగబోతుందని తెలుస్తుంది. ఇదిలా ఉండగా.. ఈ చిత్రంలో విలన్ పాత్ర కూడా చాలా కీలకంగా ఉంటుందట. దాంతో అరవింద్ స్వామి, ఉపేంద్ర, సునీల్ శెట్టి వంటి స్టార్లను ఎంపిక చేసుకోవాలని దర్శకనిర్మాతలు ప్రయత్నించారు. అయితే వాళ్ళ కాల్ షీట్లు ఖాళీ లేకపోవడంతో మాధవన్ ను ఫైనల్ చేసినట్టు వార్తలు వినిపిస్తున్నాయి.దాదాపు ఇతన్నే కన్ఫర్మ్ చెయ్యాలని దర్శకనిర్మాతలు భావిస్తున్నారని ఇండస్ట్రీ టాక్. అయితే ఇప్పుడు ఈ వార్త మహేష్ అభిమానులను కలవర పెడుతుంది.
ఎందుకంటే.. మాధవన్ తెలుగులో విలన్ గా నటించిన సినిమాలు ఏవీ హిట్ అవ్వలేదు. ‘సవ్యసాచి’ లో విలన్ గా చేసాడు. అది డిజాస్టర్ అయ్యింది. ‘నిశ్శబ్దం’ లో విలన్ గా చేసాడు. అది కూడా సక్సెస్ అవ్వలేదు. అందుకే మహేష్ అభిమానులు టెన్షన్ పడుతున్నట్టు సోషల్ మీడియా టాక్. అయితే మాధవన్ తప్ప ‘సర్కారు వారి పాట’ టీం కు మరో ఆప్షన్ కనిపించడం లేదు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
