నటి మధుబాల పేరు చెప్పగానే రోజా సినిమా గుర్తుకు వస్తుంది. ఇలాంటి అనేక సినిమాల్లో హీరోయిన్ గా నటించిన ఆమె రీ ఎంట్రీలోను మంచి విజయాలను అందుకున్నారు. “అంతకు ముందు ఆ తరువాత, సూర్య వర్సెస్‌ సూర్య, నాన్నకు ప్రేమతో” చిత్రాల్లో కీలక పాత్రలు పోషించి క్యారెక్టెర్ ఆర్టిస్ట్ గాను మంచి పేరు తెచ్చుకున్నారు. ప్రస్తుతం కన్నడ చిత్రం “సీతరామకల్యాణ”లో నటిస్తున్నారు. మాజీ ప్రధానమంత్రి హెచ్‌డీ దేవగౌడ మనవడు, కర్ణాటక ముఖ్యమంత్రి హెచ్‌డీ కుమార స్వామి కొడుకు నిఖిల్‌ ఇందులో హీరోగా నటిస్తున్నారు. రచితా రామ్‌ కథానాయికగా నటిస్తున్నారు.
రచితా రామ్‌కు తల్లిదండ్రుల పాత్రల్లో మధుబాల, శరత్‌కుమార్‌ కనిపించబోతున్నారు. ఇప్పటివరకు పాజిటివ్ పాత్రలో మెప్పించిన ఆమె తొలిసారిగా నెగటివ్ పాత్ర పోషిస్తున్నారు. తమిళ నటుడు బాబీ సింహ ప్రధాన పాత్రలో రూపొందుతున్న “అగ్ని దేవ” అనే సినిమాలో ప్రతికథానాయిక పాత్ర కోసం కష్టపడుతున్నారు. ఈ పాత్ర కోసం మధుబాల పలికించిన హవాభావాలు, ఆమె పలికిన డైలాగ్ లు పూర్తిగా కొత్తగా ఉన్నాయని చిత్ర బృందం తెలిపింది. ఈ చిత్రం విడుదలయ్యాక ఆమెకు మరిన్నీ విలన్ పాత్రలు వస్తాయని వెల్లడించింది. ఆ సినిమా హిట్ అయితే తెలుగు దర్శకనిర్మాతలు కూడా మధుబాలకి నెగటివ్ రోల్స్ ఇస్తారనడంలో ఎటువంటి సందేహం అవసరం లేదు.
