తెలుగువారు గర్వించే నటి సావిత్రి జీవితం ఆధారంగా సినిమా అనగానే అందరూ సంతోషించారు. సావిత్రిగా కీర్తి సురేష్ నటించనుంది అని తెలియగానే పెదవివిరిచారు. మహానటి ఎక్కడ ? మొన్న పరిశ్రమకి వచ్చిన కీర్తి సురేష్ ఎక్కడ? అని కామెంట్లు చేశారు. దర్శకుడు నాగ్ అశ్విన్ కాస్టింగ్ సెలక్షన్ బాగాలేదని విమర్శించారు. తెలుగు నటి మాధవీలత కూడా కీర్తి సురేష్ సెట్ కాదని మీడియాలో చెప్పింది. విమర్శకులందరికీ ఈ రోజు రిలీజ్ అయిన లుక్ సమాధానం చెప్పింది. సావిత్రిలా కీర్తి సురేష్ లుక్ చూసిన ప్రతిఒక్కరూ ఆశ్చర్యపోతున్నారు.
డైరక్టర్ అంచనాకి.. మేకప్ మ్యాన్ ప్రతిభని మెచ్చుకోకుండా ఉండలేకపోతున్నారు. అచ్చుగుద్దినట్టు.. సావిత్రి మళ్ళీ బతికివచ్చిందా.. అన్నట్టు ఈ కీర్తి సురేష్ లుక్ ఉందని ప్రశంసిస్తున్నారు. ఇందులో సమంత జర్నలిస్ట్ మధురవాణి గా కనిపించనుంది. ఆమె తో పాటు విజయ్ దేవరకొండ లుక్ కూడా ఇదివరకే రిలీజ్ చేశారు. అవి కూడా ఆకట్టుకున్నాయి. వైజయంతి మూవీస్ బ్యానర్, స్వప్న సినిమా బ్యానర్లపై అశ్వినీదత్, స్వప్నదత్ లు కలిసి నిర్మిస్తున్న ఈ చిత్రం వచ్చే నెల రిలీజ్ కానుంది.
