మహేష్ బాబు 25 వ చిత్రంగా వచ్చిన ‘మహర్షి’ చిత్రం మొదటి వారం కలెక్షన్లు బయటకి వచ్చాయి. వంశీ పైడిపల్లి డైరెక్షన్లో వచ్చిన ఈ చిత్రం గతవారం మే 9 న విడుదలయ్యి డీసెంట్ టాక్ ను సొంతం చేసుకుంది. మహేష్ 25 చిత్రం కావడంతో మొదటి వారం మంచి కలెక్షన్లు వచ్చాయి. ‘భరత్ అనే నేను’ అంత బ్లాక్ బస్టర్ టాక్ రానప్పటికీ ఈ చిత్రం కలెక్షన్ల విషయంలో మాత్రం ఆ చిత్రాన్ని మించింది. అయితే అది తెలుగు రాష్ట్రాల వరకే. ఓవర్సీస్ లో మాత్రం ఈ చిత్రం ఆశించిన స్థాయిలో కలెక్షన్లను రాబట్టలేదు. ఇక ‘మహర్షి’ చిత్రం మొదటి వారం పూర్తయ్యేసరికి ప్రపంచ వ్యాప్తంగా 75.22 కోట్ల షేర్ ను రాబట్టింది.
ఇక మొదటి వారం ‘మహర్షి’ ఏరియా వైజ్ కలెక్షన్ల వివరాలు ఈ విధంగా ఉన్నాయి :
సీడెడ్ – 6.90 కోట్లు
ఈస్ట్ – 5.55 కోట్లు
వెస్ట్ – 4.33 కోట్లు
కృష్ణా – 4.28 కోట్లు
నెల్లూరు – 2.07 కోట్లు
———————————————
ఏపీ + తెలంగాణా – 57.47 కోట్లు
(టోటల్)
రెస్ట్ అఫ్ ఇండియా – 8.80 కోట్లు
ఓవర్సీస్ – 8.95 కోట్లు
వరల్డ్ వైడ్ టోటల్ – 75.22 కోట్లు
———————————————
‘మహర్షి’ చిత్రానికి ప్రపంచ వ్యాప్తంగా 95 కోట్ల వరకూ ప్రీ రిలీజ్ బిజినెస్ జరిగింది. మొదటి వారం పూర్తయ్యేసరికి వరల్డ్ వైడ్ 75.22 కోట్ల షేర్ వచ్చింది. అంటే ఈ చిత్రం బ్రేక్ ఈవెన్ కావాలంటే మరో 20 కోట్లు రాబట్టాల్సి ఉంది. ఈ చిత్రానికి వచ్చిన టాక్ తో అది సాధ్యం అవుతుందా అంటే కష్టమనే చెప్పాలి. మహేష్ 25 వ చిత్రం కాస్త డీసెంట్ టాక్ రావడం… అందులోనూ సమ్మర్ పక్కన సినిమాలు లేకపోవడం,టికెట్ రేట్లు పెంచడం.. వీటి వలనే మహేష్ కెరీర్ బెస్ట్ కలెక్షన్లు వచ్చాయి. అంతేకాని మరేమీ కాదు అనేది బహింరంగా రహస్యమే అని చెప్పాలి. ‘మహర్షి’ చిత్ర యూనిట్ మాత్రం ఈ చిత్రం రికార్డులు మీద రికార్డులు కొట్టేస్తుంది అని డబ్బా కొట్టేసుకుంటున్నారు. ముఖ్యంగా మహేష్ బాబు కాలర్ ఎగరేసుకుని మరీ హడివిడి చేసేసి తన గత చిత్రాల్ని తక్కువ చేస్తున్నాడు. కానీ ఈ చిత్రం రికార్డులు ఏమీ కొట్టలేదు. మహేష్ కు పిచ్చ క్రేజ్ ఉన్న ఓవర్సీస్లో ఈ చిత్రం 2 మిలియన్ కూడా రాబట్టలేకపోయింది. అక్కడ కనీకష్టంగా 1.5 మిలియన్ దాటింది. అక్కడ బయ్యర్స్ సేఫ్ అవ్వాలంటే ఈ చిత్రం 2.5 మిలియన్ రాబట్టాల్సి ఉంది. కానీ అది అసాధ్యమని ట్రేడ్ పండితులు తేల్చేసారు. సమ్మర్ హాలిడేస్ ఉన్నా.. దిల్ రాజు లాంటి బడా ప్రొడ్యూసర్ ఈ చిత్రాన్ని నిర్మించి.. డిస్ట్రిబ్యూట్ చేసినా… ఈ చిత్రం బ్రేక్ ఈవెన్ అయ్యే పరిస్థితి మాత్రం కనిపించడం లేదు. ఏదో మొదటి వారం ప్రమోషన్లు చేసేస్తే ‘యావరేజ్ సినిమా… బ్లాక్ బస్టర్ అయిపోతుంది’ అనుకోవడం ‘మహర్షి’ టీం అమాయకత్వమనే చెప్పాలి. ఫుల్ రన్లో ఈ చిత్రం 80 నుండీ 85 రాబడుతుందేమో కానీ బ్రేక్ ఈవెన్ అయ్యే పరిస్థితి మాత్రం కనిపించడం లేదు.
