ఒక హీరో క్రియేట్ చేసిన రికార్డ్ ను మరో హీరోకి బ్రేక్ చేయాలని ఎంతవరకూ ఉంటుందో తెలియదు కానీ.. వారి అభిమానులు మాత్రం కాస్త గట్టిగానే కోరుకొంటారు. అప్పట్లో బాలయ్య రికార్డ్స్ ను చిరంజీవి, చిరంజీవి రికార్డ్స్ ను బాలయ్య బ్రేక్ చేసినప్పుడు వాళ్ళ అభిమానులు భలే ఎంజాయ్ చేసేవారు. అనంతరం మహేష్ బాబు, పవన్ కళ్యాణ్, ఎన్టీఆర్, రామ్ చరణ్ ఫ్యాన్స్ ఇలా కలెక్షన్స్ ను కంపేర్ చేయడం మొదలెట్టారు.
మొన్న విడుదలైన “మహర్షి” చిత్రానికి వచ్చిన టాక్ కి ఈ సినిమా కచ్చితంగా నాన్-బాహుబలి కలెక్షన్స్ సాధించడం ఖాయం అనుకున్నారందరూ. కానీ.. ఎందుకో టికెట్ రేట్ పెంచిన తర్వాత కూడా మహేష్ “మహర్షి” ప్రీవీయస్ రికార్డ్స్ ను బీట్ చేయలేకపోయింది. ఇదివరకు “భరత్ అనే నేను”తోనే “రంగస్థలం” రికార్డ్స్ బ్రేక్ చేద్దామనుకున్న మహేష్ కి “మహర్షి”తో కూడా అది సాధ్యపడే అవకాశాలు కనిపించడం లేదు. దాంతో రామ్ చరణ్ కలెక్షన్స్ బ్రేక్ చేస్తే పండగ చేసుకుందామనుకున్న మహేష్ ఫ్యాన్స్ అందరూ డంగైపోయారు.
