తెలుగులో తప్ప ఇతర ఏ భాషలో నటించని సూపర్ స్టార్ మహేష్ బాబు తొలిసారి తమిళంలో స్ట్రైట్ మూవీ చేస్తున్నారు. కమర్షియల్ డైరక్టర్ మురుగదాస్ దర్శకత్వంలో తెరకెక్కుతోన్న ద్వి భాష చిత్రంలో ప్రిన్స్ నటిస్తున్నారు. ఈ మూవీ శరవేగంగా షూటింగ్ జరుపుకుంటోంది. ఈ సినిమాని ఎప్పుడెప్పుడు చూద్దామా అని తెలుగు వారు మాత్రమే కాకుండా, తమిళీయులు ఎదురుచూస్తున్నారు. ప్రిన్స్ గత చిత్రాలు దూకుడు, 1 నేనొక్కడినే తమిళంలోకి అనువాదం అయి మంచి కలక్షన్స్ సాధించాయి. కాబట్టి మహేష్, మురుగ దాస్ కలయికలో వస్తున్న సినిమాపై కోలీవుడ్ లోను భారీ అంచనాలున్నాయి.
ఈ చిత్రం రిలీజ్ అవ్వడానికి మరికొన్ని నెలలు సమయం ఉండడంతో అక్కడి ఫ్యాన్స్ కోసం మహేష్ మొదటి సినిమా రాజకుమారుడు ని తమిళంలో డబ్ చేసి ఇప్పుడు రిలీజ్ చేస్తున్నారు. దర్శకేంద్రుడు కె రాఘవేంద్ర రావు దర్శకత్వంలో రూపుదిద్దుకున్న ఈ మూవీ ‘తునిచల కారన్’ అనే పేరుతో జనవరి 27 న విడుదలకు సిద్దమయింది. పదిహేడేళ్ల తర్వాత అనువాదమైన రాజకుమారుడు ఎంత మేర వసూళ్లు సాదిస్తుందోనని అందరూ ఆసక్తిగా ఎదురుచూస్తున్నారు.
Also, do SUBSCRIBE to our YouTube channel to get latest Tollywood updates.
