సూపర్ స్టార్ మహేష్ బాబు ప్రస్తుతం వంశీ పైడిపల్లి దర్శకత్వంలో మహర్షి అనే సినిమా చేస్తున్నారు. అశ్వినీదత్, దిల్ రాజు, పీవీపీ కలిసి నిర్మిస్తున్న ఈ మూవీ షూటింగ్ వేగంగా సాగుతోంది. ఇందులో అల్లరి నరేష్ తో కలిసి నటిస్తున్నారు. ఈ మూవీ భారీ షెడ్యూల్ కోసం చిత్ర బృందం అమెరికాకి వెళ్ళింది. ఈ చిత్రం తర్వాత మహేష్ సుకుమార్ దర్శకత్వంలో నటించడానికి గ్రీన్ సిగ్నల్ ఇచ్చిన సంగతి తెలిసిందే. రంగస్థలం తర్వాత సుకుమార్.. మహేష్ కోసం స్క్రిప్ట్ సిద్ధం చేస్తున్నారు. అలాగే అర్జున్ రెడ్డి డైరక్టర్ సందీప్ రెడ్డి వంగ దర్శకత్వంలో నటించనున్నారు. సందీప్ రెడ్డి బాలీవుడ్ లో అర్జున్ రెడ్డి ని రీమేక్ చేసే పనిలో బిజీగా ఉండడం వల్ల మహేష్, సుకుమార్ మూవీనే ముందుగా పట్టాలెక్కనుంది. ఇలా డైరక్టర్ల మార్పు కారణంగా నిర్మాతలను సైతం మహేష్ మార్చినట్టు తెలిసింది.
మొదట సందీప్ రెడ్డి వంగా సినిమాని మైత్రి మూవీ మేకర్స్ నిర్మాణం లో రూపొందించేందుకు ప్లాన్ చేసారు. కానీ “రంగస్థలం” సినిమా తర్వాత సుకుమార్ మైత్రి మూవీ మేకర్స్ నిర్మాణం లో ఒక సినిమా ని రూపొందించేందుకు ఓకే చెయ్యడం తో సుకుమార్, మహేష్ మూవీని ఇప్పుడు ఈ బ్యానర్ లో చేస్తున్నారు. సందీప్ రెడ్డి వంగా సినిమాని మాత్రం గీతాఆర్ట్స్ వారు ప్రొడ్యూస్ చేయనున్నారు. ఎందుకంటే గీతా ఆర్ట్స్ దగ్గర మహేష్ బాబు డేట్స్ ఉన్నాయి. ఇలా లెక్కని సెట్ జేశారు. ఈ రెండు సినిమాలు వచ్చే ఏడాది సెట్స్ మీదకు వెళ్లనున్నాయి.
