మురుగదాస్ దర్శకత్వంలో సూపర్ స్టార్ మహేష్ బాబు నటిస్తున్న స్పైడర్ మోషన్ పోస్టర్ ఏప్రిల్ 12న రిలీజ్ అయి అత్యంత వేగంగా 2 మిలియన్ వ్యూస్ సాధించి రికార్డ్ సృష్టించింది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ మూవీ ప్రస్తుతం చెన్నై లో షూటింగ్ జరుపుకుంటోంది. మరో రెండురోజుల్లో మురుగదాస్ బృందం హైదరాబాద్ కి రానుంది. ఏప్రిల్ 20 నుంచి చివరి టాకీ షెడ్యూల్ మొదలుకానుంది. ఈ చిత్రానికి ప్రొడక్షన్ డిజైనర్ గా పనిచేస్తున్న ‘రుపిన్ సుచక్’ మహేష్ గురించి ఆసక్తికర విషయాలు చెప్పారు. “ఈ సినిమాలో కొన్ని రిస్కీ ఫైట్స్ ఉన్నాయి. వాటిని చేయడానికి స్టెంట్స్ చేసేవారు కూడా భయపడతారు. అటువంటి ఫైట్స్ లో మహేశ్ బాబు డూప్స్ అవసరం లేదని చెప్పి ఆ ఫైట్స్ చేశారు.
హీరోయిజాన్ని నెక్స్ట్ లెవెల్ కి తీసుకెళ్లారు.” అని వెల్లడించారు. “మహేశ్ అంత రిస్క్ తీసుకుంటాడని నేను ఊహించ లేదు. ఆయన ధైర్యాన్ని మెచ్చుకోకుండా ఉండలేక పోయా” అని మహేష్ ధైర్య సాహసాలను మెచ్చుకున్నారు. స్పైడర్ లో మహేశ్ చేసిన రియల్ ఫైట్స్ ఆయన ఫ్యాన్స్ ను విపరీతంగా ఆకట్టుకుంటాయని నమ్మకంగా చెబుతున్నారు. హీరోయిన్ గా రకుల్ ప్రీత్ సింగ్, విలన్ గా ఎస్.జె.సూర్య నటిస్తున్న ఈ మూవీ జూన్ 23 న థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
