టాలీవుడ్ సూపర్ స్టార్ మహేష్ అరుదైన రికార్డ్ సాధించారు. సోషల్ మీడియాలో తాను నంబర్ వన్ అని నిరూపించుకున్నారు. ఏడేళ్ల క్రితం ట్విట్టర్లో జాయిన్ అయిన ప్రిన్స్ రీసెంట్ గా యాక్టివ్ గా ఉంటున్నారు. ఇటీవల మహిళా దినోత్సవం సందర్భంగా తన తల్లి, కూతురు ఫొటోను షేర్ చేసి మహేశ్ బాబు శుభాకాంక్షలు తెలిపారు. కుటుంబ విషయాలను అభిమానులతో పంచుకుంటుండడంతో అభిమానులు సంతోషపడుతున్నారు. దీంతో అతన్ని ఫాలో అవుతున్న వారి సంఖ్య పెరుగుతోంది. 30 లక్షల మంది ఫాలోవర్స్ ని దక్కించుకొని ఈ మార్క్ చేరుకున్న తొలి టాలీవుడ్ స్టార్ గా రికార్డు సృష్టించారు.
ఇప్పటివరకు తెలుగు సినీ సెలబ్రిటీల్లో రాజమౌళికి 28 లక్షల మంది ఫాలోవర్లు ఉన్నారు. హీరో రానా 2.5 మిలియన్లు, నాగార్జునను 2.2 మిలియన్ల మంది ట్విట్టర్లో ఫాలో అవుతున్నారు. ఇటీవలే ట్విట్టర్లోకి వచ్చిన పవన్ కల్యాణ్‌ను 1.4 మిలియన్ల మంది, అల్లు అర్జున్‌ను 1.2 మిలియన్ల మంది ఫాలో అవుతున్నారు. ప్రస్తుతం ప్రిన్స్ ద్వి భాష చిత్రం చేస్తున్నారు. దీంతో తెలుగు వారితో పాటు తమిళయన్లు మహేష్ ని ఫాలోఅవుతున్నారని నెటిజన్లు చెబుతున్నారు. మురుగదాస్ దర్శకత్వంలో సూపర్ స్టార్ నటిస్తున్న మూవీ టైటిల్, ఫస్ట్ లుక్ కోసం అభిమానులు ఎదురుచూస్తున్నారు.
Also, do SUBSCRIBE to our YouTube channel to get latest Tollywood updates.
