ఎవరు ఔనన్నా కాదన్నా మహేష్ బాబు ప్రస్తుతం టాలీవుడ్ నెంబర్ 1 హీరో అనే విషయాన్ని ఎవరూ కాదనలేరు. పవన్ కళ్యాణ్ రాజకీయాల్లోకి వెళ్ళిపోయి రాజకీయాల్లో బిజీ అయిపోవడం.. చిరంజీవి, బాలకృష్ణ, నాగార్జున, వెంకటేష్ లు సీనియర్ హీరోల ఇమేజ్ తో సరిపెట్టేసుకోవడంతో మహేష్ ప్రెజంట్ నెంబర్ 1 తెలుగు హీరో. టాలీవుడ్ లో మాత్రమే కాదు సోషల్ మీడియాలోనూ మహేశ్ రచ్చ మామూలుగా ఉండదు. సాధారణంగా ఇతర హీరోలందరూ తమ సినిమాల ప్రమోషన్స్ లేదా తమకు తెలిసినవారి సినిమా ట్రైలర్స్, టీజర్స్ ను ప్రమోట్ చేసుకోవడానికి మాత్రమే సోషల్ మీడియాను వాడుతుంటారు.
కానీ.. మహేష్ బాబు మాత్రం తన సినిమా ప్రమోషన్స్ తోపాటు ఫ్యామిలీ ఫోటోలను ఫ్యాన్స్ తో షేర్ చేసుకోవడం మరియు బాగున్న సినిమాలకు చిన్నపాటి రివ్యూలు రాసి.. సదరు టీంను ఎంకరేజ్ చేయడం గట్రా చేస్తుంటాడు. చిన్న-పెద్ద అనే తేడా లేకుండా తాను చూసిన సినిమా బాగుంది అనిపిస్తే వెంటనే ట్విట్టర్లో పోస్ట్ చేసి కాంగ్రాచ్యూలేట్ చేయడం మహేష్ కొన్ని నెలలుగా ఫాలో అవుతున్న పద్ధతి. ఈ పద్ధతి కారణంగా చిన్న సినిమాలకు మంచి పబ్లిసిటీ వస్తుండగా.. మిగతా హీరోల అభిమానుల్లో మహేష్ కి మంచి ఇమేజ్ ఏర్పడుతోంది. ఇవన్నీ పక్కన పెడితే 2019లో ట్విట్టర్ లో టాప్ ఎంటర్ టైన్మెంట్ హ్యాండిల్స్ లో ఒకటిగా మహేశ్ బాబు ఎకౌంట్ నిలిచింది. యావత్ ఇండియాలోనే ఈ లిస్ట్ లో స్థానం సంపాదించుకొన్న టాలీవుడ్ హీరో మహేష్ ఒక్కడే.
24 గంటల్లో హైయెస్ట్ వ్యూస్ అండ్ లైక్స్ సాధించిన లిరికల్ సాంగ్స్ ఇవే!
30 సౌత్ ఇండియన్ హీరోయిన్లు మరియు వారి చైల్డ్ హుడ్ పిక్స్!
