మగువలకే కాదు మగాళ్లకు కూడా ముద్దొచ్చేంత అందంగా ఉంటాడు మన సూపర్ స్టార్ మహేష్ బాబు. అందుకే ఆయన్ని చందమామతో పోల్చుకొని మురిసిపోతుంటారు అభిమానులు. అలాంటి అందగాడు మహేష్ బాబు సడన్ గా మీసాలు, గెడ్డాలు పెంచేసి “మహర్షి” సినిమాలో సరికొత్తగా కనిపించి హల్ చల్ చేసినప్పటికీ.. ఫ్యాన్స్ కి మాత్రం మహేష్ గెడ్డం లేకుండా చూడడానికి ఇష్టపడతారు. అలాంటి మహేష్ ను మళ్ళీ గెడ్డం లేకుండా ఎప్పుడు చూద్దామా అని ఎదురుచూస్తున్న అభిమానులు మనసులో అనుకొంటున్న కోరిక మహేష్ వరకూ చేరిందో ఏమో కానీ.. సడన్ గా మీసాలు, గెడ్డాలి నున్నగా ట్రిమ్ చేసి ఓల్డ్ లుక్ లో మస్త్ ఉన్నాడు బాబు అనిపించేలా తయారయ్యాడు.
ఈ లుక్ మహర్షి సినిమా కోసమేనా లేక తదుపరి చిత్రం కోసమా అనేది క్లారిటీ లేదు. అయితే.. మహేష్ బాబు తదుపరి చిత్రంగా సుకుమార్ దర్శకత్వంలో నటించనున్న సినిమా షూటింగ్ డిసెంబర్ నుంచి మొదలయ్యే అవకాశం ఉంది. రకుల్ ప్రీత్ సింగ్ కథానాయికగా నటించనున్న ఈ చిత్రాన్ని మైత్రీ మూవీ మేకర్స్ నిర్మిస్తున్నారు.
