2005లో దర్శకుడిగా కెరీర్ మొదలెట్టిన బోయపాటి శ్రీను ఇప్పటివరకు తీసింది 7 సినిమాలే అయినప్పటికీ.. మాస్ డైరెక్టర్ గా ప్రేక్షకుల మనసుల్లో చెరగని స్థానం సంపాదించుకొన్నాడు. అప్పటివరకూ క్లాస్ ఇమేజ్ తో ఆకట్టుకొన్న హీరోలకు మాస్ ఇమేజ్ అందించిన ఘనాపాటి బోయపాటి. ఇప్పటివరకూ రవితేజ, వెంకటేష్, బాలకృష్ణ, ఎన్టీయార్, అల్లు అర్జున్ లతో కలిసి పనిచేసిన బోయపాటికి నాగార్జున, మహేష్ బాబులతో కలిసి వర్క్ చేయాలన్నది ధ్యేయం. అప్పట్లో నాగార్జునకు ఒక కథ చెప్పగా.. “నేను మరీ ఇంత మాస్ సినిమాలు చేయలేను” అంటూ నాగార్జున చాలా సున్నితంగా బోయపాటిని తిరస్కరించాడు.
అయితే.. బోయపాటి రెండో కోరిక అయిన మహేష్ బాబుతో సినిమా మాత్రం అతిత్వరలో నెరవేరనుంది. వివరాల్లోకెళ్తే.. మహేష్ బాబుకి ఇటీవల బోయపాటి ఓ సూపర్ స్టైలిష్ అండ్ మాస్ సబ్జెక్ట్ చెప్పాడట. బోయపాటి స్టోరీ టెల్లింగ్ మరియు టేకింగ్ టెక్నిక్స్ కి ఫిదా అయిపోయిన మహేష్ బాబు వెంటనే ఒకే చెప్పేశాడట. మహేష్ బాబు కోసం తన శైలిని మార్చుకోనున్న బోయపాటి ఈ చిత్రాన్ని తన మునుపటి చిత్రాల వలె మాస్ మసాలా సినిమాలా కాకుండా స్టైలిష్ గా తెరకెక్కించనున్నాడట. 2018 చివర్లో మొదలవ్వనున్న ఈ చిత్రాన్ని 14 రీల్స్ సంస్థ నిర్మించనుంది. 2019 దసరా కానుకగా ఈ చిత్రాన్ని విడుదల చేస్తారని వినికిడి.
