మహేష్ నటించిన తాజా చిత్రం ‘మహర్షి’ తాజాగా విడుదలయ్యి డీసెంట్ టాక్ ను సొంతం చేసుకుంది. అంతేకాదు మంచి వసూళ్ళను కూడా సాధిస్తుంది. వంశీ పైడిపల్లి డైరెక్ట్ చేసిన చిత్రంలో మహేష్ 3 షేడ్స్ లో కనిపించాడు. ఈ చిత్రం ఫస్ట్ హాఫ్ లో మహేష్ మంచి ఎంటర్టైన్ చేసాడు. ఇప్పుడు అదే ఎంటర్టైన్మెంట్ యాంగిల్ లో తన తరువాతి చిత్రం చేయడానికి రెడీ అయ్యాడు. ‘మహేష్ 26’ ను అనిల్ రావిపూడి డైరెక్ట్ చేస్తున్న ఈ చిత్రం ఫుల్ ఎంటర్టైనింగ్ గా సాగుతుందట. ఈ కథ మహేష్ కు బాగా నచ్చిందట.
‘దూకుడు’ తరువాత అన్ని కమర్షియల్ ఎలెమెంట్స్ ఉండే చిత్రం ఇదేనని ధీమా వ్యక్తం చేస్తున్నాడు మహేష్. ఎప్పటినుండో మహేష్ అభిమానులు కూడా ‘ఖలేజా’, ‘దూకుడు’ లో మహేష్ ను చూడాలని ఎంతో ఆసక్తితో ఎదురుచూస్తున్నారు. ‘ఖలేజా’ చిత్రం ప్లాపయినా మహేష్ ఎంటర్టైన్మెంట్ కోసం సినిమాని ఇప్పటికి చూస్తూనే వున్నారు. ఆ చిత్రాలలో మహేష్ కామెడీ టైమింగ్ కు మాస్ ఆడియన్స్ ఫిదా అయిపోయారు. అనిల్ రావిపూడి తన గత సినిమాల్లో మాదిరే ఈ చిత్రంలో కూడా మహేష్ బాబుని కూడా అన్ని కమర్షియల్ ఎలెమెంట్స్ తోనూ చూపించాలని ట్రై చేస్తున్నాడట. జూన్ నెలలో షూటింగ్ మొదలు పెట్టి.. 6 నెలల్లోనే ఈ చిత్రాన్ని పూర్తి చేసి 2020 సంక్రాంతి కానుకగా ఈ చిత్రాన్ని ప్రేక్షకుల ముందుకు తీసుకురావాలని అనిల్ రావిపూడి పక్కా స్క్రిప్ట్ ను కూడా రెడీ చేసుకున్నాడట.
