“రాజా రాణి” చిత్రంతో తెలుగు-తమిళ చిత్ర పరిశ్రమల దృష్టిని తనవైపుకు తిప్పుకొన్న యువ ప్రతిభాశాలి అట్లీ.. ఏకంగా విజయ్ తో సినిమా తీసే స్థాయికి వెళ్లిపోయాడు. విజయ్ కథానాయకుడిగా అట్లీ దర్శకత్వంలో రూపొందిన “తేరి” (తెలుగులో “పోలీసోడు”) చిత్రం ఏఫ్రిల్ 14న ప్రేక్షకుల ముందుకు రానుంది. ఈ సినిమా అనంతరం తాను ఓ తెలుగు సినిమాకు దర్శకత్వం వహించనున్నానని అట్లీ ఇటీవల ఓ మీడియా సమావేశంలో పేర్కొన్నాడు.
అయితే.. అట్లీ తెలుగు సినిమాలో హీరోగా మహేష్ నటించనున్నాడనేది విశ్వసనీయ వర్గాల సమాచారం. ఇటీవల బ్రహ్మోత్సవం సెట్స్ లో మహేష్ బాబు స్వయంగా అట్లీని కలుసుకొన్నాడని.. అప్పటికప్పుడు అట్లీ ఒక స్టోరీ లైన్ కూడా చెప్పాడని.. చిన్న లైన్ తోనే మహేష్ విపరీతంగా ఇంప్రెస్ అయిపోయాడని, అయితే.. “తేరి” రిజల్ట్ తర్వాత సినిమా గురించి అఫీషియల్ కన్ఫర్మేషన్ ఉంటుందని టాక్!
