మహేష్ బాబు, పవన్ కళ్యాణ్ ఇద్దరూ సమానమైన స్టార్ డమ్ మరియు ఫ్యాన్స్ బేస్ ఉన్న హీరోలే. ఈ ఇద్దరు కలిసి కనిపిస్తే చూడాలన్న కల కలగానే ఉండిపోయింది అభిమానులకు. అప్పుడెప్పుడో “అర్జున్” పైరసీ టైమ్ లో మహేష్ బాబుకు సపోర్ట్ గా పవన్ కళ్యాణ్ రావడంతో ఇద్దరూ కలిసి కనిపించారు కానీ ఆ తర్వాత వాళ్ళిద్దరూ కలిసి మాత్రం కనిపించలేదు. అయితే.. ఇవాళ విడుదలైన మహర్షి కొత్త పోస్టర్ లో మహేష్ బాబు టీ గ్లాస్ పట్టుకొన్న స్టిల్ పవన్ కళ్యాణ్ ఫ్యాన్స్ ను విశేషంగా ఆకట్టుకొంటోంది.
ఇప్పటివరకూ మెగా హీరోలు మాత్రమే గ్లాస్ పట్టుకొని సపోర్ట్ చేయగా.. ఇప్పుడు మహేష్ బాబు కూడా ఆ తరహా స్టిల్ తో పవన్ కు ఇండైరెక్ట్ గా సపోర్ట్ చేస్తున్నట్లుగా ఉందని కొందరు ఆనందపడుతుంటే.. ఇంకొందరు మాత్రం ఇదంతా వాళ్ళ ఊహ మాత్రమే అని వదిలేస్తున్నారు. ఈరోజు విడుదలవ్వనున్న ఈ “ఫిర్ షురూ” పాటైనా ఆకట్టుకుంటుందా లేదా అని అభిమానులు మాత్రం ఆశగా ఎదురుచూస్తున్నారు.
