టాలీవుడ్ సూపర్ స్టార్ మహేష్ బాబు నటిస్తున్న తాజా చిత్రం ‘సరిలేరు నీకెవ్వరు’. అనిల్ రావిపూడి డైరెక్షన్లో తెరకెక్కుతోన్న ఈ చిత్రాన్ని అనిల్ సుంకర, దిల్ రాజు కలిసి నిర్మిస్తున్నారు. 2020 జనవరి 11న సంక్రాంతి కానుకగా ఈ చిత్రం విడుదల కాబోతుంది. రష్మిక మందన హీరోయిన్ గా నటిస్తోన్న ఈ చిత్రంలో సీనియర్ నటి విజయశాంతి కూడా నటిస్తుంది. ‘దూకుడు’ ‘ఆగడు’ చిత్రాల తర్వాత సుమారు 5 ఏళ్ళు గ్యాప్ తీసుకుని మళ్ళీ ఓ కంప్లీట్ మాస్ ఎంటర్టైనర్ చేస్తున్నాడు మహేష్.
ఇప్పటికే విడుదల చేసిన టీజర్ సినిమా పై అంచనాల్ని డబుల్ చేసిందనే చెప్పాలి. ఇక మొదటి సింగిల్ కూడా ఫ్యాన్స్ మరియు మాస్ ఆడియన్స్ కు బాగా నచ్చింది. దేవి శ్రీ ప్రసాద్ సంగీతం అందిస్తున్న ఈ చిత్రంలోని పాటలకి మహేష్ అదిరిపోయే స్టెప్పులతో అలరిస్తాడని తెలుస్తుంది. శేఖర్ మాస్టర్ మహేష్ బాడీ లాంగ్వేజ్ కు తగినట్టు స్టెప్పులు వేయించబోతున్నాడట. మొత్తానికి ‘సరిలేరు నీకెవ్వరు’ చిత్రంతో డ్యాన్స్ లతో కూడా అభిమానులకి అలాగే మాస్ ఆడియన్స్ కు మంచి ఫీస్ట్ ఇవ్వబోతున్నాడు మహేష్ అంటూ ఫిలింనగర్ లో టాక్ బలంగా నడుస్తుంది.
అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!
