సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ వేగంగా షూటింగ్ జరుపుకుంటోంది. ప్రస్తుతం గుజరాత్ లోని అలహాబాద్ వీధుల్లో ప్రిన్స్ పై కొన్ని సన్నివేశాలను చిత్రీకరిస్తున్నారు. వందకోట్ల బడ్జెట్ తో ఏకకాలంలో తెలుగు, తమిళ భాషల్లో ఎన్.వి.ప్రసాద్, ఠాగూర్ మధులు సంయుక్తంగా నిర్మిస్తున్న ఈ చిత్రం ఫస్ట్ లుక్ ని జనవరి ఫస్ట్ కి రిలీజ్ చేయనున్నారు. అప్పుడే టైటిల్ ని రివీల్ చేయనున్నారు. అయితే ఈ మూవీ టైటిల్ సంభవామి అంటూ చిత్ర బృందం కొన్ని రోజుల క్రితం లీక్ చేసింది.దీనిపై మహేష్ ఫ్యాన్స్ అభిప్రాయాన్ని కోరింది. చాలా మంది బాగాలేదని సమాధానం చెప్పినట్లు తెలిసింది.
దీంతో చిత్ర యూనిట్ ఆలోచనలో పడింది. ఈ మూవీ పేరుని ఖరారు చేయడం మురుగదాస్ కి మొదటినుంచి చాలా కష్టంగా మారింది. గతంలో వాస్కోడి గామ, హంటర్, స్టన్ గన్, అభిమన్యుడు, ఏజెంట్ శివ అనే పేర్లు పరిశీలించిన డైరక్టర్… మహేష్ ఫ్యాన్స్ సంతృప్తిగా లేకపోవడంతో వాటిని పక్కన పెట్టారు. ఎంతో అలోచించి భగవద్గీత లోని పదాన్ని సూచిస్తే దానికి వంద మార్కులు పడలేదు. దీంతో ఇప్పుడు ఆయన మరో పేరు ఆలోచిస్తారా? సంభవామి కే ఫిక్స్ అవుతారా అనేది మరికొన్ని రోజుల్లో తెలియనుంది.
Also, do SUBSCRIBE to our YouTube channel to get latest Tollywood updates.
