టాలీవుడ్ టాప్ హీరోల్లో ప్రిన్స్ మహేష్ ఒకడు…కాదు కాదు….టాలీవుడ్ టాప్ నంబర్1 స్థానం రేస్ లో ప్రిన్స్ మహేష్ ఒకడు. అయితే అలాంటి మహేష్ శ్రీమంతుడు సూపర్ సక్సెస్ తరువాత “బ్రహ్మోత్సవం”తో కాస్త వెనుక బడ్డాడు. అదే క్రమంలో తన తరువాత సినిమాలను పక్కా ప్లాన్ తో డిసైన్ చేసుకుంటున్నాడు. తాజాగా మహేష్ మురుగుదాస్ దర్శకత్వంలో ఒక భారీ సినిమా చేస్తున్న విషయం తెలిసిందే. ఈ సినిమాతో మహేష్ తెలుగులోనే కాకుండా ఇతర మార్కెట్స్ లో కూడా తన స్టామినాను నిరూపించుకోవాలి అని చూస్తున్నట్లు సమాచారం.
ఇదిలా ఉంటే ఈ సినిమాను జనవరి నెలకల్లా పూర్తి చేసి, సమ్మర్ స్పెషల్ గా బరిలో దింపాలి అని మహేష్ భావిస్తున్నాడు, అదే క్రమంలో సినిమాల విషయంలో మహేష్ స్పీడ్ పెంచాడు…మొన్నటిదాకా ఒక సినిమా పూర్తయ్యేదాకా కనీసం సినిమాను ఎనౌన్స్ కూడా చేయని మహేష్ ఇప్పుడు ఏకంగా రెండు సినిమాలను ఒకేసారి షూట్ చేయాలని ప్లాన్ చేస్తున్నాడు అని టాలీవుడ్ నుంచి వస్తున్న సమాచారం. మురుగుదాస్ సినిమా పూర్తి అయిన తరువాత….కమిట్ అయిన కొరటాల సినిమాతో పాటుగా వంశీ పైడిపల్లితో కూడా సినిమా షురూ చేస్తున్నాడు. ఈ రెండు సినిమాలకు ఒకే టైంలో షూటింగ్ పాల్గొనేలా షెడ్యూల్ ప్లాన్ చేస్తున్నాడట మహేష్. అంతేకాదు కొరటాల శివకు, వంశీ పైడిపల్లికి తన జనవరి, ఫిబ్రవరి, మార్చి నెలల షెడ్యూల్స్ ను సమానంగా పంచేసాడు.. దాదాపుగా ఒకే ఏడాది దసరా బరిలో ఈ సినిమాలను దింపాలని ప్రిన్స్ భారీ ప్లాన్ తో ఉన్నట్లు సమాచారం. మరి ప్రిన్స్ స్పీడ్ ఎంతవరకూ కలసి వస్తుందో చూడాలి.
