‘రంగస్థలం’ అనంతరం బోయపాటి శ్రీను దర్శకత్వంలో నటించడానికి రామ్ చరణ్ రెడీ అవుతుండగా.. చెర్రీ సరసన నటించబోయే కథానాయికను సెలక్ట్ చేసే పనిలో ఉన్నాడు దర్శకుడు బోయపాటి శ్రీను. ఆల్రెడీ దానయ్య బ్యానర్ లో నిర్మాణమవుతున్న “భరత్ అనే నేను” సినిమాలో హీరోయిన్ గా నటిస్తున్న బాలీవుడ్ బ్యూటీ కైరా అద్వానీని చరణ్ సినిమాలోనూ కథానాయికగా నటింపజేయనున్నారని వినికిడి. మహేష్ సినిమాలో హీరోయిన్ అంటే మాగ్జిమమ్ ఎక్స్ పోజర్ వస్తుంది కాబట్టి చరణ్ సినిమాలో నటిస్తే బ్రాండ్ వేల్యూ పెరగడంతోపాటు సినిమాకి కూడా ప్రత్యేక ఆకర్షణగా నిలుస్తుందని దానయ్య-బోయపాటి ఆలోచిస్తున్నారట.
ఇకపోతే.. ఫిబ్రవరి నుంచి రెగ్యులర్ షూట్ ప్రారంభమవ్వనున్న ఈ చిత్రంలో బాలీవుడ్ కథానాయకుడు వివేక్ ఒబెరాయ్ ప్రతినాయకుడిగా నటించనుండడం విశేషం. 2018 దసరా కానుకగా విడుదల చేయాలనుకొంటున్న ఈ చిత్రం కోసం రామ్ చరణ్ ప్రత్యేకంగా బాడీ పెంచనున్నాడని వినికిడి. హీరోలను ఉరమాస్ గా చూపడంతోపాటు వారికి మాస్ ఎలివేషన్ ఇవ్వడంలో సిద్ధహస్తుడైన బోయపాటి రామ్ చరణ్ ను ఏరేంజ్ లో చూపించనున్నాడో అని మెగా అభిమానులందరూ ఎదురుచూస్తున్నారు.
