టాలీవుడ్ లో దూకుడుగా వాణిజ్య ప్రకటనల్లో నటించే హీరో సూపర్ స్టార్ మహేష్ బాబు. ఇప్పటికే థమ్సప్, పారగాన్ చెప్పులు, రాయల్ స్టాగ్ మ్యూజిక్ సిడిలు, సంతూర్ సోప్, వివెల్ షాంపూ వంటి అనేక కంపెనీలకు ప్రిన్స్ బ్రాండ్ అంబాసిడర్ గా ఉన్నారు. తాజాగా బస్సు ఆన్ లైన్ టికెట్ బుకింగ్ పోర్టల్ అభిబస్ ప్రకటనలో నటించారు. మాటల మాంత్రికుడు త్రివిక్రమ్ శ్రీనివాస్ ఈ యాడ్ ని రామోజీ ఫిల్మ్ సిటీలో షూట్ చేశారు. దీనికి సంబంధించిన మూడు వీడియోలు ప్రస్తుతం ఆన్ లైన్ లో హంగామా చేస్తున్నాయి.
ఒక దాంట్లో ప్రతి వాడు అభిబస్ అంటున్నాడని మహేష్ చిరాకు పడుతుండగా, మరో దాంట్లో “ఇంకో హాఫ్ టికెట్ ఎక్స్ ట్రా బుక్ చేయించుకోకపోయావా” అంటూ కృష్ణుడికి కౌంటర్ వేస్తున్నారు. మూడో ప్రకటనలో అయితే.. తన పక్కన కూర్చున్న వ్యక్తితో “ఏడు కొండల్లో ఏడో నెంబర్ సీట్ ఎంత డివైన్ థాట్” అంటూ పంపించేశారు. ఈ ప్రకటనలు దేశవ్యాప్తంగా ఆయా భాషల్లో టీవీలో త్వరలో ప్రచారం కానున్నాయి. మహేష్ బాబు ఓ వైపు మురుగ దాస్ దర్శకత్వంలో సినిమా చేస్తూనే, మరో వైపు ప్రకటనల్లోనూ నటించేస్తున్నారు.
