టాలీవుడ్ సూపర్ మహేశ్ బాబు ప్రస్తుతం మురుగదాస్ దర్శకత్వంలో ‘స్పైడర్’ సినిమా చేస్తున్నారు. ఈ యాక్షన్ థ్రిల్లర్ మూవీ హైదరాబాద్ లో షూటింగ్ జరుపుకుంటోంది. తెలుగు, తమిళ భాషల్లో తెరకెక్కుతుండడంతో ఎక్కువరోజులు చిత్రీకరణ చేస్తున్నారు. అందుకే జూన్ 23 న రిలీజ్ కావాల్సిన మూవీ పోస్ట్ పోన్ అయింది. ఇక దీని తర్వాత కొరటాల శివ దర్శకత్వంలో మహేష్ బాబు ‘భరత్ అనే నేను’ సినిమా చేయనున్నారు. వచ్చే నెల నుంచి సెట్స్ మీదకు వెళ్లనున్న ఈ చిత్రాన్ని ఆలస్యం లేకుండా వేగంగా కంప్లీట్ చెయ్యాలని భావిస్తున్నారు.
ప్రిన్స్ ఆదేశాలకు తగినట్లుగా డైరక్టర్ ప్రీ ప్రొడక్షన్ వర్క్ ని పక్కాగా పూర్తి చేసినట్లు సమాచారం. ఈ సినిమా మొదలు కాకముందే రిలీజ్ డేట్ లాక్ చేసినట్లు ఫిలిం నగర్ వాసులు చెప్పుకుంటున్నారు. వచ్చే సంక్రాంతికి బరిలోకి దిగాలని మహేష్ బాబు నిర్ణయించుకున్నట్లు తెలిసింది. మరి ప్రిన్స్ అనుకున్నట్లు ఆరోజు మూవీ రిలీజ్ అయితే అభిమానులకు రెండు పండగలు అన్నమాట.
Also, do SUBSCRIBE to our YouTube channel to get latest Tollywood updates.
