సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ చెన్నైలోని ఈవీపీ ఫిలిం సిటీలో రెండో షెడ్యూల్ ని విజయవంతంగా పూర్తి చేసుకుంది. ఏక కాలంలో తెలుగు, తమిళ భాషల్లో తెరకెక్కుతున్న ఈ చిత్రంలో ఇన్వెస్ట్ గేషన్ ఆఫీసర్ గా మహేష్ నటిస్తున్నారు. ఇందులో ప్రిన్స్ సరసన ఫిట్ బ్యూటీ రకుల్ ప్రీత్ సింగ్ రొమాన్స్ చేయనుంది. త్వరలో భాగ్యనగరంలో మూడో షెడ్యూల్ జరుపుకోనున్న ఈ చిత్రం గురించి ఆసక్తికరమైన వార్త బయటికి వచ్చింది.
మహేష్, రకుల్ మధ్య ఉండే సీన్లను చాలా రొమాంటిక్ గా మురుగదాస్ చిత్రీకరిస్తున్నట్లు తెలిసింది. వీరిద్దరికీ సినిమాలో మూడు లిప్ లాక్ లు ఉంటాయని సమాచారం. హీరో, హీరోయిన్ల మధ్య ఆన్ స్క్రీన్ కెమిస్ట్రీ బాగా వర్క్ అవుట్ అయిందని, సినిమాలో ముద్దు సీన్ హైలెట్ గా నిలువనుందని చిత్ర బృందం వెల్లడించింది. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ ఫిల్మ్ కి హరీష్ జయరాజ్ సంగీతాన్ని అందిస్తున్నారు. ఇంకా పేరు ఖరారు చేయని ఈ సినిమా ఫస్ట్ లుక్ ని దీపావళికి విడుదల చేయడానికి మురుగదాస్ ప్లాన్ చేస్తున్నారు.
