తుపాకీ లొకేషన్లో మహేష్ పై సీన్ షూట్ చేసిన మురుగదాస్

మురుగదాస్ దర్శకత్వంలో నాలుగేళ్లక్రితం వచ్చిన తమిళ మూవీ తుపాకీ. విజయ్ హీరో నటించిన ఈ చిత్రం బ్లాక్ బస్టర్ గా నిలిచింది. 180 కోట్ల కలక్షన్స్ రాబట్టింది. ఆ సినిమాకు సీక్వెల్ వస్తుందని అప్పట్లో డైరక్టర్ ప్రకటించారు. విజయ్, మురుగుదాస్ కాంబినేషన్లో తుపాకీ 2 కోసం అందరూ చూస్తుండగా.. ఆ కథతో సూపర్ స్టార్ మహేష్ బాబు తో సంభవామి తెరకెక్కిస్తున్నారు. మొదట్లో మీడియా తుపాకీ కి ఇది సీక్వెల్ అని చెప్పగా కొట్టి పడేసిన చిత్ర బృందం.. మురుగదాస్ లేటెస్ట్ ఫొటోతో దొరికిపోయింది. ఈ రోజు మురుగదాస్ తుపాకీ లొకేషన్లో సెల్ఫీ తీసుకొని ట్విట్టర్లో పోస్ట్ చేశారు. పైగా తుపాకీ లొకేషన్లో ఉన్నానని ట్వీట్ చేశారు. దీంతో సినీ విశ్లేషకులు మహేష్ తుపాకీ 2 చేస్తున్నట్లు డిసైడ్ చేశారు.

బహుశా అదే టైటిల్ ప్రకటించినా ఆశ్చర్యపోనవసరం లేదు. ప్రస్తుతం మురుగదాస్ బృందం ముంబై లో ఉంది. సినిమాలో మహేష్ ఇంట్రడక్షన్ సీన్ ని తెరకెక్కిస్తోంది. హిట్ సెంటిమెంట్ కోసం తుపాకీ లొకేషన్లో షూట్ చేశారా ? లేకుంటే తుపాకీ కి  సీక్వెల్ కాబట్టి అక్కడ తీయాల్సి వచ్చిందా? అనే విషయం కొన్ని రోజుల్లో తెలియనుంది. ఇంటెలిజన్స్ అధికారిగా ప్రిన్స్ నటిస్తున్న ఈ చిత్రం ఫస్ట్ లుక్ కోసం ఫ్యాన్స్ ఆతృతగా ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.