భరత్ అనే నేను డైరెక్షన్ టీం కి మహేష్ కాస్ట్లీ గిఫ్త్స్

ఇదివరకూ ఒక సినిమా హిట్ అయ్యిన తర్వాత సదరు సినిమా దర్శకుడికి హీరోనో లేక హీరోని నిర్మాతో కారు లేదా ఏదైనా కాస్ట్ లీ గిఫ్ట్ ఇవ్వడం అనే రూల్ ను ఫాలో అయ్యేవారు. అయితే.. ఇప్పుడు ట్రెండ్ మారింది. సినిమా రిలీజ్ తర్వాత కాదు సినిమా అవుట్ పుట్ సంతృప్తికరంగా వస్తే విడుదలకు ముందే సినిమాకి వర్క్ చేసిన టెక్నీషియన్స్ కి గిఫ్ట్ లు ఇస్తున్నారు హీరోలు. మొన్న “రంగస్థలం” సినిమా రిలీజ్ టైమ్ లో చరణ్ ఫస్ట్ కాపీ వచ్చాక సినిమాకి వర్క్ చేసిన రైటర్స్ అందరికీ మంచి బహుమతులు ఇవ్వడం తెలిసిందే. ఇప్పుడు అదే తరహాలో మహేష్ బాబు కూడా “భరత్ అనే నేను” సినిమా కోసం వర్క్ చేసిన అసిస్టెంట్ డైరెక్టర్స్ అందరికీ “ఐఫోన్ ఎక్స్”ను బహుబతులుగా ఇవ్వడమే కాక.. స్వయంగా వ్రాసిన థ్యాంక్స్ నోట్ ను కూడా అందించాడు.

ఈ బహుమతులను మహేష్ సతీమణి నమ్రత సదరు అసిస్టెంట్ డైరెక్టర్స్ కి అందించింది. దాదాపు లక్ష రూపాయలు విలువగల “ఐఫోన్ ఎక్స్” గిఫ్ట్ రావడం అది కూడా మహేష్ బాబు ఇవ్వడం, ప్రతి ఒక్కరికీ మహేష్ స్వయంగా థ్యాంక్స్ నోట్ రాయడంతో “భరత్ అనే నేను” దర్శకత్వ బృందం అందరూ ఆనందంతో ఉక్కిరిబిక్కిరవుతున్నారు. ఈ గిఫ్ట్ ల కార్యక్రమంతో “భరత్ అనే నేను” గ్యారెంటీ హిట్ అనే కాన్ఫిడెన్స్ అభిమానుల్లో ద్విగుణీకృతం అయ్యింది.

Read Today's Latest Featured Stories Update. Get Filmy News LIVE Updates on FilmyFocus