మహానటుడు నందమూరి తారకరామారావు జీవితం ఆధారంగా రూపుదిద్దుకుంటున్న మూవీ రెగ్యులర్ షూటింగ్ నిన్న రామకృష్ణ సినీ స్టూడియోలో వేసిన ప్రత్యేక సెట్ లో మొదలయింది. తేజ దర్శకత్వంలో ఎన్టీఆర్ గా నందమూరి బాలకృష్ణ నటిస్తున్న ఈ సినిమాలో సూపర్ స్టార్ మహేష్ బాబు కనిపించనున్నారని తెలిసింది. కాస్టింగ్ కౌచ్ పై మీడియాలో దుమారం రేపిన శ్రీ రెడ్డి ఈ విషయాన్నీ బయటికి చెప్పింది. ఈమె తేజ సినిమాల్లో నటిస్తోంది. సో డైరక్టర్ తనకు ఈ సీక్రెట్ చెప్పినట్లు శ్రీ రెడ్డి వెల్లడించింది. మహేష్ బాబు తేజ దర్శకత్వంలో నిజం చేశారు. ఆ పరిచయంతో మహేష్ ఎన్టీఆర్ బయోపిక్ లో నటించడానికి ఒప్పుకున్నట్లు ఫిలిం నగర వర్గాల వారు భావిస్తున్నారు.
బహుశా కృష్ణ పాత్రలో కనిపిస్తారని అంచనా వేస్తున్నారు. ఈ విషయం పై చిత్ర బృందం ఇంకా స్పందించలేదు. ఇదే గానీ నిజమైతే ఈ సినిమాపై మరింత క్రేజ్ వస్తుంది. ఎన్‌బీకే ఫిలింస్‌ బ్యానర్‌పై బాలకృష్ణ స్వయంగా ఈ చిత్రాన్ని నిర్మిస్తున్నారు. సాయి కొర్రపాటి, విష్ణువర్థన్‌ ఇందూరిలు సహనిర్మాతలుగా వ్యవహరిస్తున్నారు. సంతోష్‌ తుండియిల్‌ సినిమాటోగ్రఫి అందిస్తున్న సినిమాలో ఇందిరాగాంధీ రోల్ ని నదియా పోషిస్తున్నారు. కీరవాణి సంగీతమందిస్తున్న ఈ సినిమా దసరాకు థియేటర్లోకి రానుంది.
