“భరత్ అను నేను”లో మహేష్ రెండు వేరియేషన్లు!

సూపర్ స్టార్ మహేష్ బాబు స్పైడర్ మూవీ కంప్లీట్ కాకముందే నెక్స్ట్ సినిమా షూటింగ్ రన్ అవుతోంది. శ్రీమంతుడు వంటి హిట్ ఇచ్చిన కొరటాల శివ దర్శకత్వంలో మహేష్ బాబు 24 వ మూవీ చేస్తున్నారు.  “భరత్ అను నేను” అనే టైటిల్ ఖరారు చేసిన ఈ మూవీ షూటింగ్ సోమవారం హైదరాబాద్లో ప్రారంభమైంది. మహేష్ బాబు లేకుండా ఈ చిత్రీకరణ సాగుతోంది. జూబ్లీహిల్స్లోని ఓ భవంతి సెట్లో మహేశ్ పాత్ర చిన్నప్పటి సన్నివేశాలను మాస్టర్ జాయ్ పై తీస్తున్నారు.

భరత్ తల్లిదండ్రుల పాత్రలను సితార, శరత్ కుమార్ పోషిస్తున్నారు. దీని తర్వాత జూన్ 16 నుంచి రెండో షెడ్యూల్ జరగనుంది. ఆ షెడ్యూల్లో మహేష్ పాల్గొననున్నారు. ఈ సినిమా గురించి ఆసక్తికర న్యూస్ బయటికి వచ్చింది. ఇందులో మహేష్ రెండు షేడ్స్ తో నటించనున్నట్లు తెలిసింది. ఒకటి ఎన్ఆర్ఐ గా , రెండోది రాజకీయనాయకుడిగా కనిపించనున్నట్లు సమాచారం. సో మహేష్ ఫ్యాన్స్ కిది గుడ్ న్యూస్. భారీ బడ్జెట్ తో డి.వి.వి. దానయ్య నిర్మిస్తున్న ఈ సినిమాలో బాలీవుడ్ బ్యూటీ కైరా అద్వానీ హీరోయిన్ గా ఎంపికైంది.

Also, do SUBSCRIBE to our YouTube channel to get latest Tollywood updates.