సూపర్ స్టార్ మహేష్ బాబు 23 వ మూవీ ప్రొడక్షన్ వర్క్ దాదాపు పూర్తి కావచ్చింది. ప్రస్తుతం వియాత్నం లో మహేష్ పై పోరాట సన్నివేశాలను చిత్రీకరిస్తున్న మురుగదాస్ నేటితో ఈ షెడ్యూల్ కి పేకప్ చెప్పి, చెన్నైకి రానున్నారు. శ్రీరామనవమి సందర్భంగా ఈ ఫిలిం ఫస్ట్ లుక్ రిలీజ్ పై ప్రకటన చేయనున్నారు. అంతకంటే ముందుగా ఈ మూవీ టైటిల్ బయటికి వచ్చింది. ఇన్వెస్టిగేట్ ఆఫీసర్ గా ప్రిన్స్ నటిస్తున్న ఈ చిత్రానికి స్పైడర్ అనే పేరుని ఫిక్స్ చేశారని తెలిసింది. నిర్మాత ఎన్వీ ప్రసాద్ తన ఎన్వీఆర్ సినిమా బ్యానర్ పై ‘స్పైడర్’ అనే టైటిల్ ను ఫిల్మ్ ఛాంబర్లో రిజిస్టర్ చేసినట్లు సమాచారం.
తెలుగు, తమిళం .. రెండుభాషల్లో ఈ పేరు ఉంటుందని ఫిలింనగర్ వాసులు చెబుతున్నారు. గతంలో ఎనిమీ, ఏజెంట్ శివ, అభిమన్యు, స్టన్ గన్, వాస్కోడిగామా, సంభవామి, మర్మం అని అరడజనుకి పైగా టైటిళ్లు మహేష్ కొత్త మూవీ పేరు ఇదేనంటూ సోషల్ మీడియాలో హల్ చల్ చేశాయి. ‘స్పైడర్’ కూడా అదే జాబితాలో చేరుతుందా?, ఖరారవుతుందా? అని తెలియాలంటే రెండు రోజులు ఆగాలి.
Also, do SUBSCRIBE to our YouTube channel to get latest Tollywood updates.
