యువ దర్శకుడు సుజీత్ దర్శకత్వంలో ప్రభాస్ చేస్తున్న సాహో సినిమా సౌత్, నార్త్ సినీ పరిశ్రమల్లోని నటీనటులతో కలర్ ఫుల్ గా మారిపోతోంది. ఏకకాలంలో తెలుగు, తమిళ్, హిందీ భాషల్లో తెరకెక్కుతోన్న ఈ సినిమాలో మొదటగా తెలుగుతో పాటు హిందీ నటీనటులను తీసుకున్నారు. హీరోయిన్ గా బాలీవుడ్ బ్యూటీ శ్రద్ధ కపూర్, విలన్స్ గా బాలీవుడ్ నటుడు జాకీష్రాఫ్, నీల్ నితిన్ ముకేష్, చుంకే పాండే లు నటిస్తున్నారు. కోలీవుడ్, మల్లూవుడ్ నటులకు సైతం డైరక్టర్ ఇందులో మంచి రోల్స్ ఇచ్చారు.
తమిళనటుడు అరుణ్ విజయ్ ఇదివరకే ఫైనల్ కాగా, తాజాగా మల్లూవుడ్ సీనియర్ నటుడు “లాల్” కూడా సాహోలో కనిపించబోతున్నట్లు తెలిసింది. ఈయన సౌత్ లో అన్ని భాషల్లో విలన్ గా చేశారు. తెలుగులో రవితేజ ఖతర్నాక్ మూవీలో విలన్ గా నటించారు. మరి సాహోలో లాల్ పోషించేది పాజిటివ్ పాత్ర?, నెగిటివ్ క్యారక్టరా? అనేది.. ఇంకా బయటికి రాలేదు. భారీ తారాగణంతో యూవీ క్రియేషన్స్ బ్యానర్లో వంశీ ప్రమోద్ లు నిర్మిస్తున్న ఈ చిత్రం వచ్చే ఏడాది థియేటర్లోకి రానుంది.
