బాహుబలి తర్వాత ప్రభాస్ నటిస్తున్న సాహో సినిమాని ఓ రేంజ్ లో తెరకెక్కిస్తున్నారు. టెక్నీషియన్ల విషయంలోనూ, ఆర్టిస్టుల ఎంపికలోనూ రాజీ పడడంలేదు. ప్రతి పాత్రకు ప్రముఖ నటీనటులను ఎంపిక చేస్తున్నారు. అది కూడా వివిధ భాషలవారు ఉండేలా చూసుకుంటున్నారు. హీరోయిన్ గా బాలీవుడ్ బ్యూటీ శ్రద్ధ కపూర్ నటిస్తుండగా, విలన్స్ గా బాలీవుడ్ నటుడు జాకీష్రాఫ్, నీల్ నితిన్ ముకేష్, చుంకే పాండే లు ప్రభాస్ తో తలపడనున్నారు. అలాగే మహేష్ మంజ్రేకర్, మందిర బేడీ, టిన్ను ఆనంద్ లు చిన్న పాత్రల్లో మెరవనున్నారు.
ఇక కోలీవుడ్ నటుడు అరుణ్ విజయ్ ను ఓ కీలక రోల్ కోసం ఎంపిక చేసినట్లు తెలిసింది. తాజాగా మల్లూవుడ్ నుంచి సూపర్ స్టార్ మోహన్ లాల్ ని తీసుకున్నట్లు సమాచారం. జనతా గ్యారేజ్ లో నటించి మెప్పించిన ఈయనకు సాహో ఓ ప్రముఖ పాత్రను ఇచ్చినట్లు తెలిసింది. భారీ బడ్జెట్, భారీ తారాగణంతో నిర్మితమవుతున్న ఈ సినిమాపై రోజు రోజుకి అంచనాలు పెరిగిపోతున్నాయి.
Also, do SUBSCRIBE to our YouTube channel to get latest Tollywood updates.
