ఒకప్పుడు కోలీవుడ్ లో స్టార్ హీరోయిన్ గా గుర్తింపు తెచ్చుకుంది జ్యోతిక. తెలుగులో కూడా చిరంజీవి, నాగార్జున లాంటి స్టార్లతో కలిసి నటించింది. హీరోయిన్ గా అవకాశాలు తగ్గుతున్న సమయంలో కోలీవుడ్ హీరో సూర్యను పెళ్లి చేసుకొని సెటిల్ అయిపోయింది. చాలా కాలం పాటు ఇంటికే పరిమితమైన జ్యోతిక.. మళ్లీ సినిమాల్లో రీఎంట్రీ ఇచ్చింది. ’36 వయదినిలే’ అనే సినిమాతో ప్రేక్షకుల ముందుకొచ్చింది. ఆ తరువాత మరికొన్ని సినిమాలు చేసింది.
అయితే రీఎంట్రీలో వరుసగా లేడీ ఓరియెంటెడ్ సినిమాలే చేస్తుంది. ఇప్పుడేమో ఓ స్టార్ హీరోతో కలిసి నటించడానికి ఒప్పుకుంది. ఆ హీరో మరెవరో కాదు.. మలయాళ సూపర్ స్టార్ మమ్ముట్టి. కెరీర్ ఆరంభంలో ఎప్పుడూ కూడా మమ్ముట్టితో కలిసి నటించలేదు జ్యోతిక. ఇప్పుడు తొలిసారి ఆయనతో కలిసి జత కట్టబోతుంది. వీరి కాంబినేషన్ లో తెరకెక్కుతోన్న సినిమాకి ‘కాదల్’ అనే టైటిల్ ను ఫిక్స్ చేశారు. కాదల్ అంటే ప్రేమ.
టైటిల్ ను రివీల్ చేస్తూ ఒక పోస్టర్ ను వదిలారు. బ్లాక్ అండ్ వైట్ లో ఉన్న ఫొటోలో మమ్ముట్టి-జ్యోతిక పక్కపక్కనే ఉన్నారు. ఈ పోస్టర్ తో నోస్టాలిజిక్ ఫీలింగ్ కలిగించారు దర్శకుడు. ఈ సినిమాను ఒక క్లాసిక్ గా తెరకెక్కిస్తున్నారు. జియో బేబీ అనే దర్శకుడు తమిళ, మలయాళ భాషల్లో ఈ సినిమాను రూపొందిస్తున్నారు.
ఈ సినిమాను మమ్ముట్టి సొంత బ్యానర్ పై నిర్మిస్తున్నారు. మమ్ముట్టి, జ్యోతిక ఇద్దరూ తెలుగు ప్రేక్షకులకు దగ్గరైనవారే కాబట్టి ఈ సినిమాను తెలుగులో డబ్ చేసి రిలీజ్ చేసే ఛాన్స్ ఉంది. మరి ఈ సినిమాతో జ్యోతికకు ఎలాంటి సక్సెస్ వస్తుందో చూడాలి!
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
