‘అఖండ 2’ తర్వాత నందమూరి బాలకృష్ణ(Nandamuri Balakrishna) చేస్తున్న సినిమాపై మొదటి నుండి భారీ అంచనాలు ఏర్పడ్డాయి. ఎందుకంటే ఈ సినిమాని డైరెక్ట్ చేస్తుంది బాలయ్యకి ‘వీరసింహారెడ్డి’ వంటి సూపర్ హిట్ ఇచ్చిన దర్శకుడు గోపీచంద్ మలినేని.
ఇక నిర్మిస్తుంది ‘పెద్ది’ వంటి భారీ పాన్ ఇండియా సినిమాని నిర్మిస్తున్న ‘వ్రిద్ధి సినిమాస్’ అధినేత వెంకట్ సతీష్ కిలారు. ‘ఎన్ బి కె 111’ అనే వర్కింగ్ టైటిల్ తో ఈ సినిమా రూపొందుతోంది. షూటింగ్ మొదలై చాలా రోజులు అయ్యింది.
శరవేగంగా చిత్రీకరణ జరుపుకుంటున్నట్టు టాక్ వినిపిస్తోంది. ఈ మధ్య కాలంలో చాలా సైలెంట్ గా అలాగే ఫాస్ట్ గా షూటింగ్ జరుపుకుంటున్న పెద్ద ప్రాజెక్టు ఇదే అనడంలో ఎటువంటి సందేహం లేదు. ‘పెద్ది’ రిలీజ్ అయ్యే వరకు ఈ సినిమాకి సంబంధించిన అప్డేట్స్ ఇవ్వకూడదని మేకర్స్ డిసైడ్ అయినట్టు తెలుస్తోంది.
అయితే ఈ ప్రాజెక్టుకి సంబంధించి ఓ గాసిప్ ఇప్పుడు సోషల్ మీడియాలో హాట్ టాపిక్ అవుతుంది. ఆ గాసిప్ సారాంశం ఏంటంటే.. ‘ఎన్ బి కె 11’ ప్రాజెక్టులో హీరో మంచు మనోజ్ కూడా భాగం కాబోతున్నాడట. చిత్ర బృందం అయితే ఈ విషయంపై అధికారికంగా స్పందించింది లేదు. ఈరోజు విలేకరి సమావేశంలో పాల్గొన్న మంచు మనోజ్ వద్ద ఈ విషయంపై ప్రశ్నిస్తే.. ‘ఆ విషయాన్ని ఎన్ బి కె 11 యూనిట్ రివీల్ చేస్తుంది’ అంటూ దాటేశాడు.
ఆ గాసిప్లో నిజం లేకపోతే మనోజ్ ఇలా చెప్పాల్సిన అవసరం లేదు.అది ఫేక్ అని కుండబద్దలు కొట్టేసేవాడు. అందుకే ఇప్పుడు ఇది హాట్ టాపిక్ అయ్యింది.గతంలో మంచు మనోజ్ హీరోగా తెరకెక్కిన ‘ఊ కొడతారా ఉలిక్కి పడతారా’ అనే సినిమాలో బాలకృష్ణ కీలక పాత్ర పోషించాడు. ఆ సినిమాకి మంచి ఓపెనింగ్స్ రావడానికి బాలయ్య చేసిన పాత్ర హెల్ప్ అయ్యింది.
