విజయ్ దేవరకొండ.. ఈ కుర్ర హీరోకి ఇప్పుడు మామూలు క్రేజ్ లేదు. ఓ పెద్ద ఫ్యామిలీ నుండీ హీరోగా పరిచయమైనా.. ఇంత తక్కువ టైములో ఇంత ఫాలోయింగ్ ఏ హీరో కూడా రాబట్టుకోలేదు అనడంలో అతిశయోక్తి లేదు. ఇప్పటి వరకూ విజయ్ కెరీర్ ఒక బ్లాక్ బస్టర్ తరువాత ఒక ప్లాప్ అన్నట్టు సాగుతుంది. ఇప్పుడు ‘వరల్డ్ ఫేమస్ లవర్’ అలాగే ‘ఫైటర్’ వంటి సినిమాల్లో నటిస్తున్నాడు విజయ్. ఈ కుర్ర హీరోకి ప్రమోషనల్ టెక్నీక్స్ కూడా బాగా తెలుసు. తనని ట్రోల్ చేస్తూ ఒక్క మీమ్ వచ్చినా.. దానిని కూడా ప్రమోషన్ కు వాడేసుకుంటాడు ఈ క్రేజీ హీరో.
‘నోటా’ ‘డియర్ కామ్రేడ్’ వంటి సినిమాలు ప్లాప్ అయినా కూడా మొదటి రోజు సూపర్ ఓపెనింగ్స్ వచ్చాయి అంటే.. అది విజయ్ ప్రమోషన్స్ వల్లే అని చెప్పాలి. ఇదిలా ఉండగా.. విజయ్ ప్రస్తుతం నిర్మాతగా కూడా మారి.. ‘మీకు మాత్రమే చెప్తా’ అనే చిత్రాన్ని నిర్మించాడు. తనని హీరోగా పరిచయం చేసిన దర్శకుడు తరుణ్ భాస్కర్ ను హీరోగా పరిచయం చేస్తూ ఈ చిత్రాన్ని రూపొందించాడు విజయ్. ఇప్పుడు ఈ చిత్రానికి ప్రమోషన్స్ కూడా ఓ రేంజ్ లో నిర్వహిస్తున్నాడు ఈ కుర్ర హీరో. ఈ సినిమా హిట్టయితే తన తమ్ముడు ఆనంద్ దేవరకొండ ను కూడా హీరోగా పెట్టి ఓ సినిమాని నిర్మించాలని ప్లాన్ చేస్తున్నాడట. మరి విజయ్ ట్రిక్కులు ఫలిస్తాయో లేదో చూడాలి..!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
