విజయ్ కథానాయకుడిగా “రాజా రాణి” ఫేం అట్లీ దర్శకత్వంలో తెరకెక్కుతున్న చిత్రం “తేరి”. విజయ్ త్రిపాత్రాభినయం చేస్తున్న ఈ చిత్రంలో సామంత, అమీ జాక్సన్ లు హీరోయిన్లుగా నటిస్తుండగా.. మరో ప్రముఖ కథానాయిక కుమార్తె కూడా “తేరి” సినిమాలో కీలకపాత్ర పోషిస్తోంది.
నిన్నటితరం మేటి కథానాయికలలో ఒకరైన మీనా కుమార్తె నైనిక “తేరి” సినిమాలో విజయ్ కూతురుగా నటించింది. కేవలం నాలుగేళ్ల వయసున్న నైనికను సినిమాల్లో నటింపజేయడం మీనాకు ఇష్టం లేకపోయినప్పటికీ.. దర్శకుడు అట్లీ చెప్పిన కథ నచ్చడం, ముఖ్యంగా నైనిక పాత్ర నచ్చడం వల్లే నైనిక నటించడానికి ఒప్పుకొన్నానని మీనా పేర్కొంది.
మొత్తానికి.. తల్లి మీనా బాటలోనే కూతురు నైనిక కూడా పయనిస్తోందన్నమాట!
