మెగా కుటుంబంలో ఏడు మంది హీరోలు ఉన్నారు. వారు సక్రమంగా ప్లాన్ చేసుకోకుంటే సినిమా బాగున్నప్పటికీ కలక్షన్స్ తగ్గడం గ్యారంటీ. అందుకే ఒకదానికి మరొకటి క్లాష్ కాకుండా చూసుకుంటున్నారు. గతఏడాది డిసెంబర్ లో చరణ్ ధృవ అంటూ పలకరించగా, జనవరిలో చిరంజీవి ఖైదీ నంబర్ 150 తో వచ్చి అలరించారు. ఆ తర్వాత “విన్నర్”, “కాటమరాయుడు”, “మిస్టర్” దువ్వాడ జగన్నాథం వరుసగా ఫ్యాన్స్ ని పలకరించాయి. వచ్చే ఏడాది కూడా అలాగే ప్లాన్ చేశారు. ఈ డిసెంబర్ లో సుప్రీంహీరో సాయిధరమ్ తేజ్ “జవాన్” చిత్రాన్ని ప్రేక్షకుల ముందుకు తీసుకొస్తున్నాడు.
దిల్ రాజు సమర్పణలో కృష్ణ నిర్మిస్తోన్న ఈ చిత్రానికి బి.వి.ఎస్.రవి దర్శకత్వం వహిస్తున్నారు. దేశభక్తి కథాంశంతో రూపొందుతోన్న ఈ సినిమా డిసెంబర్ 1న రిలీజ్ కానుంది. వచ్చే సంవత్సరం సంక్రాంతికి పవర్ స్టార్ పవన్ కళ్యాణ్ “అఙ్ఞాతవాసి” బరిలోకి దిగుతోంది. మెగా ప్రిన్స్ వరుణ్ తేజ్ నటిస్తోన్న “తొలిప్రేమ” ఫిబ్రవరి 9న ప్రేక్షకుల ముందుకు రానుంది. మెగాపవర్ స్టార్ రామ్ చరణ్ “రంగస్థలం 1985” మూవీ మార్చి 29న విడుదలకు ముస్తాబవుతోంది. సమ్మర్ స్పెషల్‌గా ఏప్రిల్ 27న స్టైలిష్ స్టార్ అల్లు అర్జున్ “నా పేరు సూర్య” రిలీజ్ కానుంది. ఇలా మెగా హీరోలు ప్రతి నెలలో అభిమానులకు వినోదం పంచనున్నారు.
