మెగా కుటుంబంలో ఏడు మంది హీరోలున్నారు. వారు తమ సినిమాలతో అభిమానులను కన్ఫ్యూజ్ చేయకుండా ఉండేలా ప్లాన్ చేసుకుంటున్నారు. ఒక్కో నెలా ఒక్కో హీరో థియేటర్లో సందడి చేయనున్నారు. ఈనెల 1 న సాయి ధరమ్ తేజ్ “జవాన్” విడుదలకాగా.. ఇదే నెల 23న అల్లు శిరీష్ సైంటిఫిక్ థ్రిల్లర్ “ఒక్క క్షణం” రిలీజ్ కానుంది. వచ్చే సంవత్సరం జనవరి 10 న పవర్ స్టార్ పవన్ కళ్యాణ్ సినిమా “అజ్ఞాతవాసి” ప్రేక్షకులకు ముందుకు రానుంది. త్రివికమ్ శ్రీనివాస్ దర్శకత్వంలో తెరకెక్కిన ఈ చిత్రంపై భారీ అంచనాలున్నాయి. ఈ మూవీ సులువుగా 200 కోట్ల మార్క్ ని చేరుకుంటుందని సినీ విశ్లేషకులు అంచనా వేస్తున్నారు.
ఫిబ్రవరిలో రావడానికి మెగా ప్రిన్స్ వరుణ్ తేజ్ సిద్ధంగా ఉన్నారు. నూతన దర్శకుడు వెంకీ అట్లూరి డైరెక్షన్లో చేసిన రొమాంటిక్ ఎంటర్టైనర్ “తొలి ప్రేమ” ఫిబ్రవరి 9న విడుదలకానుంది. మెగా అభిమానులను ఊరిస్తోన్న మరో సినిమా రంగస్థలం 1985 . పాతికేళ్ళు వెనక్కి తీసుకెళ్లే ఈ మూవీ మార్చి నెలలో రావడానికి ముస్తాబవుతోంది. డీజే సినిమా తర్వాత అల్లు అర్జున్ చేస్తున్న సినిమా నా పేరు సూర్య. వక్కంతం వంశీ దర్శకత్వంలో రూపుదిద్దుకుంటున్న ఈ సినిమా ఏప్రిల్ 27 న థియేటర్లో సందడి చేయనుంది. మరి వీటిలో ఏ సినిమా హిట్ సాధిస్తుందో.. తెలియాలంటే కొన్ని రోజులు ఆగాల్సిందే.
