రాంచరణ్ – బోయపాటి శ్రీను కాంబినేషన్లో తెరకెక్కిన `వినయ విధేయ రామా` చిత్రం సంక్రాంతి కానుకగా జనవరి 11న విడుదల కాబోతుంది. కైరా అద్వానీ హీరోయిన్ గా నటించిన ఈ చిత్రంలో వివేక్ ఒబెరాయ్ విలన్ గా నటిస్తున్నాడు. ఇక ఈ చిత్రాన్ని ‘డీ.వి.వి.ఎంటర్టైన్మెంట్స్’ బ్యానర్ పై డీ.వి.వి.దానయ్య నిర్మించారు. కోలీవుడ్ హీరో ప్రశాంత్ , స్నేహ, ఆర్యన్ రాజేష్,హిమజ,హేమ వంటి భారీ తారాగణంతో రూపొందిన ఈ చిత్రం పై భారీ అంచనాలున్నాయి.
ఇక ఈ చిత్ర ప్రమోషన్లలో భాగంగా రాంచరణ్… మెగాస్టార్ చిరంజీవి 152, 153 చిత్రాలు గురించి ఆసక్తికరమైన విషయాలను తెలిపాడు. ఈ చిత్రాలు కొరటాల శివ, త్రివిక్రమ్ దర్శకత్వంలో తెరకెక్కుతాయని క్లారిటీ ఇచ్చేసాడు. చరణ్ మాట్లాడుతూ… ” `మిర్చి` చిత్రం తర్వాత కొరటాల శివ తో సినిమా చేయాలనుకుంటున్నప్పటికీ ఎందుకో అది సెట్ అవ్వట్లేదు. నేను కుదరకపోయినా నాన్నగారితో చేస్తుండడం సంతోషంగా ఉంది. నాన్నగారి చిత్రం తర్వాత కొరటాలతో నా చిత్రం తప్పకుండా ఉంటుంది. ఏప్రిల్ నుండీ ఈ చిత్రం స్టార్ట్ కాబోతుంది. అప్పటికీ ‘సైరా’ కూడా పూర్తవుతుంది. ఈ చిత్రాన్ని కూడా నేనే నిర్మిస్తాను.” అంటూ చెప్పుకొచ్చాడు. అయితే `వినయ విధేయ రామ` ప్రీ రిలీజ్ వేడుకలో తన నెక్స్ట్ సినిమా త్రివిక్రమ్ తో చేయబోతున్నట్టు మెగాస్టార్ అనౌన్స్ చేసిన సంగతి తెలిసిందే. సో ఇక కొరటాలతో మెగాస్టార్ చిత్రం లేనట్టే అని అందరూ అనుకున్నారు. అయితే కొరటాల చిత్రం పూర్తయ్యాకే … త్రివిక్రమ్ తో మెగాస్టార్ సినిమా ఉంటుందని రాంచరణ్ పూర్తి క్లారిటీ ఇచ్చేసాడు. మొత్తానికి ఇప్పటి వరకు ఉన్న కన్ఫ్యూజన్ మొత్తం తీరిపోయిందని అభిమానులు సోషల్ మీడియాలో కామెంట్లు పెడుతూ తమ ఆనందాన్ని వ్యక్తం చేస్తున్నారు.
