దక్షిణాది చిత్ర పరిశ్రమల్లో క్రేజీ హీరోయిన్ గా నయనతార పేరు తెచ్చుకుంది. రోజు రోజుకి అందాన్ని పెంచుకుంటూ.. అభినయాన్ని మెరుగు పరుచుకుంటూ.. నిర్మాతలను తన ఇంటి ముందు నిలబడేలా చేస్తోంది. ఆమె నటిస్తే హిట్ అవుతుండడంతో కోరినంత ఇస్తున్నారు. బహుశా ఈ క్రేజ్ తోనే టాలీవుడ్ ఫిలిం మేకర్స్ కి నయనతార చుక్కలు చూపిస్తోంది. గతంలో వెంకటేష్ హీరోగా నటించిన బాబు బంగారం సినిమా యూనిట్ కి సహకరించక ఇబ్బంది పెట్టిన ఈ బ్యూటీ ప్రస్తుతం మెగాస్టార్ చిరంజీవి చిత్ర బృందాన్ని ఇబ్బంది పెడుతోంది. తొలి భారతీయ స్వాతంత్ర సమర యోధుడు రేనాటి సూర్యుడు ఉయ్యాలవాడ నరసింహ రెడ్డి జీవితం ఆధారంగా రూపుదిద్దుకోనున్న సైరా నరసింహారెడ్డి సినిమా షూటింగ్ హైదరాబాదలోని నానక్ రామ్ గూడా స్టూడియోస్ జరుగుతోంది.
కొణిదెల ప్రొడక్షన్ కంపెనీ బ్యానర్ లో రామ్ చరణ్ నిర్మిస్తున్న ఈ చిత్రాన్ని డైరక్టర్ సురేందర్ రెడ్డి గ్రాండ్ గా తెరకెక్కిస్తున్నారు. చిరు, డైరక్టర్ తో సహా సెట్ కి అందరూ పది గంటలలోపే చేరుకుంటున్నారు. హీరోయిన్ గా నటిస్తున్న నయనతార నెక్స్ట్ షెడ్యూల్ నుంచి జాయిన్ కావాలి. కానీ ఆమె నుంచి సరైన స్పందన రావడం లేదని చిత్ర బృదం తెలిపింది. వస్తారా? రారా? అనే విషయంలోనూ క్లారిటీ ఇవ్వడం లేదని.. దీంతో సెకండ్ షెడ్యూల్ డేట్స్ ఎలా ప్లాన్ చేయాలో తెలియక ఇబ్బంది పడుతున్నారు. అమితాబ్ బచ్చన్, సుదీప్, జగపతిబాబు వంటి భారీ తారాగణం ఉన్న ఈ చిత్రానికి నయనతార వల్ల షెడ్యూల్ వేయడం చాలా కష్టంగా మారిందని సమాచారం. ఇలాగే కొనసాగితే నయనతారని తొలిగించి వేరే హీరోయిన్ ని ఎంపిక చేసే ఆలోచనలో నిర్మాత రామ్ చరణ్ ఉన్నట్లు ఫిలిం నగర్ వాసులు చెబుతున్నారు.
