డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న మూడవ సినిమా షూటింగ్ వేగంగా జరుగుతోంది. హీరో పవన్ పై ప్రస్తుతం యాక్షన్ సన్నివేశాలను తెరకెక్కిస్తున్నారు. ఇందులో హీరోయిన్లుగా అను ఇమ్మానియేల్, కీర్తి సురేష్ లు నటిస్తున్న సంగతి తెలిసిందే. మరి మేఘ ఆకాష్ ని మూడో హీరోయిన్ గా తీసుకున్నారా? అని మీరు అనుకోవచ్చు. ఆమెను ఈ సినిమాకోసం తీసుకోలేదు. పవన్ కళ్యాణ్, త్రివిక్రమ్ లు కలిసి ఓ చిత్రాన్ని నిర్మిస్తున్నారు. దానిని కృష్ణ చైతన్య డైరక్ట్ చేయబోతున్నారు. ఈ మూవీలో హీరోగా నితిన్ ని కూడా సెలక్ట్ చేసారు. అతని పక్కన హీరోయిన్ గా మేఘ ఆకాష్ ని ఫిక్స్ చేశారు.
ఈ బ్యూటీ తెలుగులో నితిన్, హను రాఘవపూడిల ‘లై’ సినిమాలో హీరోయిన్ గా నటిస్తోంది. ఆ తర్వాత రామ్, కిశోర్ తిరుమలలు ఈ మధ్యే కొత్తగా ప్రారంభించిన సినిమాలో కూడా అవకాశం దక్కించుకుంది. ఈ రెండు రిలీజ్ కాకముందే పవన్, త్రివిక్రమ్ మూవీలో ఛాన్స్ కొట్టేసింది. ‘లై’ లో నితిన్, మేఘ జోడి బాగుందని టాక్ రావడంతో ఆమెనే త్రివిక్రమ్ ఒకే చేసినట్లు సమాచారం. జూన్ 26 నుండి సెట్స్ పైకి వెళ్లనున్న ఈ చిత్రం గురించి మరిన్ని విషయాలను అధికారికంగా ప్రకటించనున్నారు.
Also, do SUBSCRIBE to our YouTube channel to get latest Tollywood updates.
