మెహర్ రమేశ్….ఈ దర్శకుడు గుర్తున్నాడా…అంతలా మరచిపోయే వాడా…ఎన్ని కళా ఖండాలు తీశాడు. ఒకటా….రెండా ఒక కంత్రి…ఒక శక్తి…ఒక షాడో….ఇలా చెప్పుకుంటూ పోతే…లెక్కలో చాలా ఉన్నాయి. అయితే ఈ దర్శకుడు తన దగ్గర మ్యాటర్ లేకపోయినా అదృష్టం వరించడంతో దర్శకుడిగా మారి బడా హీరోలతో బడా సినిమాలు తీశాడు. ఇదిలా ఉంటే ఇక ఆతరువాత చిన్న చితకా సినిమాలు డైరెక్ట్ చేసినప్పటికీ పెద్దగా హిట్స్ కాకపోవడంతో బాబుగారి సరుకు అయిపోయింది అని అందరూ అనుకున్నారు.
ఇక ఆతరువాత మనవాడికి పెద్దగా ఆఫర్స్ రాలేదు. ఇదిలా ఉంటే ఇప్పుడు ఈ దర్శకుడు మళ్లీ వస్తున్నాడు అని తెలుస్తుంది. అదీ మహేష్ కు దర్శకుడిగా….పొరపాటున సినిమా అనుకునేరు….కాదు, కాదు…ఒక యాడ్…విషయంలోకి వెళితే…విజయవాడలో తన బావ గల్లా జయదేవ్ నిర్మించిన ఓ భారీ వెంచర్ కు బ్రాండ్ అంబాసిడర్ గా మారాడు మహేష్ బాబు. ఆ వెంచర్ కు సంబంధించిన యాడ్ లో కూడా కనిపించాడు. ఆ యాడ్ నే మన మెహర్ రమేష్ చిత్రీకరించాడు. రిచ్ గా విజువల్స్ తీయడంలో పేరుతెచ్చుకున్న మెహర్… మరోసారి యాడ్ లో ఆ రిచ్ నెస్ చూపించాడు. కనీసం ఈ యాడ్ చూసైనా మెహర్ కు అవకాశాలొస్తాయేమో చూడాలి.
