కృష్ణగాడి వీర ప్రేమ గాథ చిత్రంతో హిట్ అందుకున్న మెహ్రీన్ కాస్త ఆలస్యంగా లైమ్ లైట్ లోకి వచ్చింది. ఆ తర్వాత రాజా ది గ్రేట్, మహానుభావుడు చిత్రాలతో ఫుల్ క్రేజ్ సంపాదించుకుంది. ఆమె నటించిన న జవాన్, కేరాఫ్ సూర్య చిత్రాలు విజయం సాధించకపోయినా క్రేజ్ తగ్గలేదు. ప్రస్తుతం విజయ్ దేవరకొండ ద్విభాషా చిత్రం నోటాలో హీరోయిన్ గా చేస్తోంది. అలాగే నాగశౌర్య సరసన నటించేందుకు సంప్రదించారు.
అయితే రెమ్యునరేషన్ తో చిత్ర బృందానికి షాక్ ఇచ్చింది. ఐరా క్రియేషన్స్ బ్యానర్లో నూత‌న ద‌ర్శ‌కుడు శ్రీనివాస్ చక్రవర్తి దర్శకత్వంలో తెరకెక్కనున్న “నర్తనశాల” కు అడిగితే వెంటనే ఓకే చెప్పిన ఈ బ్యూటీ అధిక రెమ్యునరేషన్ తో ఆశ్చర్యపరిచింది. ఈ సినిమా కోసం 90లక్షలు అడిగిందట. అంతే కాదు రోజుకి ఖర్చుల కోసం అదనంగా 20 వేలు కావాలని కోరిందట. దీంతో నాగశౌర్య టీమ్ కి దిమ్మ తిరిగిపోయి.. ఆలోచనలో పడ్డారని ఫిలిం నగర్ వాసులు చెబుతున్నారు. మరి ఆమె అడిగినంత ఇచ్చి తీసుకుంటారా? పక్కన పెడుతారా? అనేది రెండు రోజుల్లో తెలియనుంది.
