‘రంగం’ ‘స్నేహితుడు’ వంటి చిత్రాలతో తెలుగు ప్రేక్షకులకి దగ్గరయ్యాడు జీవా. కోలీవుడ్ లోనే కాకుండా టాలీవుడ్ లో కూడా సక్సెస్ ఫుల్ ప్రొడ్యూసర్ గా పేరున్న సూపర్ గుడ్ ఫిల్మ్స్ అధినేత ఆర్.బి.చౌదరి కొడుకు కావడంతో అగ్ర దర్శకులతోనే వర్క్ చేసే అవకాశాలు దక్కించుకున్నాడు. తాజాగా జీవా పై ‘మీటూ’ ఆరోపణలు చేసింది ప్రముఖ హీరోయిన్. ‘బుజ్జిగాడు’ ఫేం సంజనా గల్రానీ సోదరి నిక్కీ గల్రానీ కన్నడ, తమిళ చిత్రాల్లో హీరోయిన్ గా నటిస్తూ బిజీగా ఉంది. సునీల్ నటించిన ‘కృష్ణాష్టమి’ అలాగే ఆది పినిశెట్టి హీరోగా వచ్చిన ‘మలుపు’ ‘మరకతమణి’ వంటి చిత్రాలతో తెలుగు ప్రేక్షకులకులను కూడా పలకరించింది.
వివరాల్లోకి వెళితే నిక్కీ గల్రానీ హీరో జీవా పై మీటూ ఆరోపణలు చేసిందనే వార్త సోషల్ మీడియాలో చక్కర్లు కొడుతోంది. అయితే ఆ వార్తల్లో నిజంలేదని ఇన్‌స్టాగ్రామ్‌లో తన పేరుతో ఎవరో ఫేక్ అకౌంట్ క్రియేట్ చేసి ఈ ఆరోపణలు చేసారని.. దయచేసి వాటిని నమ్మొద్దంటూ చెప్పుకొచ్చింది.
