తేజ సజ్జ సినిమా సినిమాకి ఇంప్రూవ్ అవుతున్నాడు. మార్కెట్ పెంచుకుంటున్నాడు. 2024 లో ‘హనుమాన్’ తో భారీ హిట్ అందుకున్న తేజ.. గతేడాది ‘మిరాయ్'(Mirai) తో మరో బ్లాక్ బస్టర్ ను తన ఖాతాలో వేసుకున్నాడు.ఈ ఫాంటసీ అడ్వెంచర్ మూవీ థియేటర్లలోనే కాకుండా ఓటీటీలో (డిస్నీ+ హాట్స్టార్) కూడా సూపర్ హిట్ అనిపించుకుంది. ఇప్పుడు టీవీల్లో కూడా సూపర్ హిట్ అనిపించుకోవడం మరో విశేషంగా చెప్పుకోవాలి.
గత వారం అంటే జనవరి 25న ‘స్టార్ మా’ ఛానల్లో టెలికాస్ట్ అయ్యింది ఈ సినిమా. ఈ మధ్యకాలంలో టీవీల్లో టెలికాస్ట్ అయిన సినిమాలను జనాలు పట్టించుకోవడమే మానేశారు.అందువల్ల శాటిలైట్ రైట్స్ డిమాండ్ కూడా తగ్గిపోయింది. మినిమమ్ టీఆర్పీ రేటింగ్ రావడమే గగనంగా ఉంది. ఇలాంటి పరిస్థితుల్లో కూడా ‘మిరాయ్’ సినిమా ఫస్ట్ టైం టెలికాస్ట్ అయినప్పుడు ఏకంగా 10.80 టీ.ఆర్.పి రేటింగ్ ను నమోదు చేసింది.
ఈ మధ్య కాలంలో ఈ రేంజ్ రేటింగ్ నమోదు చేసిన సినిమా మరొకటి లేదు. ‘స్టార్ మా’లో టెలికాస్ట్ అయ్యే సినిమాలకి మంచి రేటింగ్ వస్తుంది. ఆ రకంగా ‘మిరాయ్’కి అదొక అడ్వాంటేజ్ అయ్యింది.ఫ్యామిలీ ఆడియన్స్, ఊర్లల్లో ఉండే మాస్ ఆడియన్స్ ఈ సినిమాను బాగా వీక్షించినట్టు స్పష్టమవుతుంది. తెలుగు వెర్షన్ మాత్రమే కాదు 2025 చివర్లో ఈ సినిమా హిందీ వెర్షన్ ‘స్టార్ గోల్డ్ ఛానల్’లో టెలికాస్ట్ అయ్యింది.అక్కడ కూడా మంచి రేటింగ్ నమోదు చేసింది.
ఇక ‘మిరాయ్’ సినిమాని కార్తీక్ ఘట్టమనేని డైరెక్ట్ చేయగా.. ‘పీపుల్ మీడియా ఫ్యాక్టరీ’ బ్యానర్ పై టి.జి.విశ్వ ప్రసాద్ నిర్మించారు.
