మనసులో ఉన్నదీ ఉన్నట్టు మాట్లాడే డైలాగ్ కింగ్ మోహన్ బాబు మళ్లీ సంచలన వ్యాఖ్యలు చేశారు. పవర్ స్టార్ పవన్ కళ్యాణ్ కి వ్యతిరేకంగా మాట్లాడి వార్తల్లో నిలిచారు. అసలు విషయంలోకి వెళితే ఉత్తరాదికి చెందిన అనిల్ కుమార్ సింఘాల్‌ను తిరుమల తిరుపతి దేవస్థానం ఈఓగా నియమించడంపై పవన్ కల్యాణ్ ట్విట్టర్లో విమర్శలు చేశారు. “ఉత్తరాది ఐఏఎస్‌ అధికారినిని టీటీడీ ఈవోగా నియమించడంపై తెలుగుదేశం ప్రభుత్వంతో పాటు, చంద్రబాబు నాయుడు సమాధానం చెప్పాలి” అని డిమాండ్ చేసిన పవన్ కళ్యాణ్ మరో ట్వీట్ లో.. “ప్రభుత్వ నిర్ణయం నాకు ఆశ్చర్యం కలిగించింది. ఉత్తరాది ఐఏఎస్‌ అధికారులకు తాను వ్యతిరేకం కాదు. అయితే అమర్‌నాథ్‌, వారణాసి, మధుర లాంటి పవిత్ర ఆలయాల్లో దక్షిణాది అధికారులకు ఎందుకు స్థానం కల్పించడం లేదు” అని ప్రశ్నించారు.
జనసేనాని విమర్శలపై మోహన్ బాబు నేడు ఓ లేఖ ద్వారా స్పందించారు. టీటీడీ ఈఓగా సింఘాల్ నియామకానికి ఆయన మద్దతు తెలిపారు. “విశ్వవ్యాప్తంగా ఉన్న హిందువులందరికీ వెంకన్న బాబు దేవుడు. అలాంటి దేవుడిని ఒక ప్రాంతానికో, ఒక భాషకో మాత్రమే పరిమితం చేయడాన్ని నేను ఖండిస్తున్నాను. తెలుగు భాష రాకపోవడం ఒక్కటే పెద్ద సమస్య అని నేను అనుకోవట్లేదు” అని పరోక్షంగా పవన్ పై పంచ్ లు వేశారు. ఇందుకు పవన్ ఏవిధంగా రెస్పాండ్ అవుతారో చూడాలి.
Also, do SUBSCRIBE to our YouTube channel to get latest Tollywood updates.
