నిజాన్ని నిర్భయంగా కంటే నిక్కచ్చిగా చెప్పడంలో మోహన్ బాబుని మించినోళ్ళు లేరు. అందుకే ఆయన్ని డైలాగ్ కింగ్ అంటారు జనాలు. ప్రభుత్వాన్ని కానీ.. పరిశ్రమను కానీ ప్రశ్నించడంలో ఆయన ఏనాడూ జంకలేదు. తాజాగా ఓ పాపులర్ మీడియా హౌజ్ కి ఇచ్చిన ఇంటర్వ్యూలో కూడా ఆయన అదే తరహాలో రెస్పాండ్ అయ్యారు. ఈమధ్యకాలంలో ఆయన ఎందుకని సినిమాల్లో కనిపించడం లేదని ప్రశ్నించగా.. “ఇప్పుడు నాకు ఆఫర్లు ఇవ్వండి అని లిక్కర్ పార్టీలు ఇవ్వాల్సిన అవసరం నాకు లేదు. అలాగే.. ఆఫర్ల కోసం ముంబై, ఢిల్లీ విలాసాల కోసం తిరగలేను. నాకు తెలిసింది కెమెరా ముందు నటించడం మాత్రమే” అని చెప్పుకొచ్చారు. అలాగే.. తనను దర్శకులు పాత్రల కోసం ఎందుకు అప్రోచ్ అవ్వడం లేదనే విషయం తనకు కూడా అర్ధం కావడం లేదని ఆయన పేర్కొనడం విశేషం.
ఇకపోతే.. ఇండస్ట్రీ మొత్తంలో తాను తన కూతురు మంచు లక్ష్మికి తప్ప ఎవరికీ భయపడను అని మోహన్ బాబు చెప్పడం విశేషం. మంచు లక్ష్మికి కోపంలో తన పోలికలు వచ్చాయని, ప్రతి చిన్న విషయానికి కోప్పడుతుందని పేర్కొన్నారు మోహన్ బాబు. అదే సందర్భంలో తనకు తన కుమార్తె లక్ష్మీ అంటే ప్రాణమని కూడా చెప్పారు.
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
